హైదరాబాద్: జూబ్లీహిల్స్ ఉప ఎన్నికలో(Jubilee Hills by-election) ఓటమిపై బీఆర్ఎస్ పార్టీ(Bharat Rashtra Samithi) నేడు సమీక్ష నిర్వహించనుంది. తెలంగాణ భవన్(Telangana Bhavan)లో జూబ్లీహిల్స్ ముఖ్య కార్యకర్తల సమావేశం ఏర్పాటు చేసింది. డివిజన్ కు వందమంది చొప్పున ముఖ్య కార్యకర్తలకు ఆహ్వానించారు. సమావేశంలో బీఆర్ఎస్ వర్కింగ్ ప్రెసిడెంట్ కేటీఆర్, మాజీ మంత్రులు హరీశ్ రావు, తలసాని శ్రీనివాస్ యాదవ్, ఇన్ ఛార్జులు, నేతలు పాల్గొనున్నారు. కార్యకర్తల అభిప్రాయాలు, కార్యాచరణ, పార్టీ బలోపేతంపై బీఆర్ఎస్ నేతలు చర్చించనున్నారు. ఈ ఉప ఎన్నికలో జూబ్లీహిల్స్ అసెంబ్లీ స్థానాన్ని కాంగ్రెస్ పార్టీ అభ్యర్థి వి. నవీన్ యాదవ్(Congress candidate Naveen Yadav) 24,792 ఓట్ల తేడాతో కైవసం చేసుకున్నారు. 

ప్రతి ఎన్నికల్లోనూ ఓటింగ్ శాతాన్ని మెరుగుపరుచుకుంటూ కాంగ్రెస్ పార్టీ(Congress Party) విజయ పరంపరను కొనసాగిస్తోంది. ఈ ఏడాది జూన్‌లో బీఆర్‌ఎస్ ఎమ్మెల్యే మాగంటి గోపీనాథ్ మరణం తర్వాత జూబ్లీ హిల్స్ ఉప ఎన్నిక తప్పనిసరి అయింది. కాంగ్రెస్ నవీన్ యాదవ్‌ను(Congress Naveen Yadav) ఎంచుకోగా, ప్రధాన ప్రతిపక్ష బీఆర్‌ఎస్ దివంగత గోపీనాథ్ భార్య మాగంటి సునీతను పోటీకి దింపగా, బీజేపీ లంకల దీపక్ రెడ్డిని అభ్యర్థిగా నిలబెట్టింది. జూబ్లీహిల్స్ ఉప ఎన్నిక గెలుపు కోసం ముఖ్యమంత్రి రేవంత్ రెడ్డి, ఉప ముఖ్యమంత్రి మల్లు భట్టి విక్రమార్కతో కలిసి వ్యూహాత్మకంగా వ్యవహరించారు. కాంగ్రెస్ ప్రభుత్వం తీసుకొచ్చిన పథకాలను కార్యకర్తలు నియోజకవర్గంలోని అన్ని విభాగాలలోకి లోతుగా తీసుకెళ్లారు. ప్రచార పరంగా ప్రతిపక్ష పార్టీలకు ఎటువంటి అవకాశం ఇవ్వలేదు. కాంగ్రెస్, బీఆర్ఎస్, బీజేపీల మధ్య తీవ్రంగా పోటీ పడిన త్రిముఖ పోరులో కాంగ్రెస్ ఘన విజయం సాధించింది.