-మండల పార్టీ అధ్యక్షుడు రమణారెడ్డి, జిల్లా గ్రంథాలయ సంస్థ మాజీ చైర్మన్ గోవింద్ నాయక్

వెంకటాపూర్(రామప్ప),(విజయక్రాంతి): రాబోయే స్థానిక ఎన్నికల్లో తెలంగాణ రాష్ట్రం అంతటా భారత రాష్ట్ర సమితి పార్టీ అభ్యర్థుల విజయమే ఖాయమని మండల పార్టీ అధ్యక్షుడు లింగాల రమణా రెడ్డి, జిల్లా గ్రంథాలయ సంస్థ మాజీ చైర్మన్ పోరిక గోవింద్ నాయక్ అన్నారు. మండలంలోని నారాయణగిరిపల్లె గ్రామంలో పార్టీ సన్నాహాక సమావేశంలో పాల్గొని వారు మాట్లాడుతూ.. కాంగ్రెస్ ప్రభుత్వ పాలన రాష్ట్రాన్ని అస్తవ్యస్తంగా మార్చిందని, అన్ని వర్గాల ప్రజలను తీవ్రంగా మోసం చేసిందని విమర్శించారు.

ప్రజలు తిరిగి కేసిఆర్ నాయకత్వాన్ని కోరుకుంటున్నారని, రాష్ట్రానికి కేసిఆర్ పాలన శ్రీరామరక్షగా నిలుస్తుందని అన్నారు. గ్రామ గతంలో మండలంలోని అనేక స్థానాల్లో పార్టీ ఘనవిజయం సాధించిందని, జడ్పిటిసి, ఎంపీటీసీ, ఎంపీపీ, సర్పంచ్, వార్డు సభ్యుల స్థాయిలో అత్యధిక స్థానాలు గులాబీ జెండా ఖాతాలో చేరినట్లు గుర్తుచేశారు.

రాబోయే ఎన్నికల్లో కూడా పార్టీ బలపరిచిన అభ్యర్థులను అధిక మెజారిటీతో గెలిపించడానికి కార్యకర్తలు కృషి చేయాలని పిలుపునిచ్చారు. గ్రామ సర్పంచ్ అభ్యర్థిగా కోరే జ్యోతి ని పార్టీ తరఫున అధికారికంగా ప్రకటిస్తూ, గ్రామ పార్టీ తీర్మానాన్ని ఏకగ్రీవంగా ఆమోదించారు. కోరే జ్యోతి తోపాటు పార్టీ బలపరిచిన 8 మంది వార్డు సభ్యులను కూడా భారీ మెజారిటీతో గెలిపించాలని నాయకులు పిలుపునిచ్చారు.