కెనెడాలోని రెండు రైల్ నెట్‌వర్క్ లు బంద్.. అమెరికాపై తీవ్ర ప్రభావం

అట్టావా: కెనెడాలోని కీలకమైన రెండు రైల్ నెట్ వర్క్ ల్లో పని చేస్తున్న వేల మంది ఉద్యోగులు సమ్మెకు దిగారు. కెనెడా పసిఫిక్ కన్సాస్ సిటీ సదరన్ సంస్థలు చెందిన 9000 మంది ఉద్యోగులు సమ్మెకు దిగడంతో ఈ పరిస్థితి ఏర్పడింది. దీంతో అమెరికాలోని పరిశ్రమలకు అవసరమైన ముడి సరకుల సరఫరా నిలిచిపోయింది. అమెరికా కెనడా మధ్య రైల్ మార్గంలో ఎగుమతి అయ్యే సరకుల్లో మూడోవంతు ఈ సంస్థలు తరలిస్తాయి. ఫలితంగా అమెరికాలోని వ్యవసాయ, ఆటోమొబైల్, హౌస్ కనస్ట్రక్షన్, ఇంధన పరిశ్రమలకు అవసరమైన ముడి సరకుల సరఫరాలో తీవ్ర అవరోధాలు ఏర్పడనున్నాయి. అమెరికా, కెనెడా లు పరస్పర ఆధారిత ఆర్థిక వ్యవస్థలు కావడంతో  సమ్మె ప్రభావం ఎక్కువగా ఉండే అవకాశం ఉందని ఆర్థిక శాస్త్ర నిపుణులు అంచనా వేస్తున్నారు. అండర్సన్ ఎకనామిక్ గ్రూప్ అంచనాల ప్రకారం మూడు రోజుల్లో 300 మిలియన్ డాలర్లు ఆర్థిక నష్టం వాటిల్లుతుందని చెబుతున్నారు.