ఔటర్‌పై కారు ప్రమాదం: మహిళ మృతి

హైదరాబాద్: అతివేగంతో వాహనాలు నడపడం వల్ల ఘోర రోడ్డు ప్రమాదాలు చోటుచేసుకుంటున్నాయి. తాజాగా ఔటర్ రింగ్ రోడ్డుపై కారు ప్రమాదం సంభవించింది. ముందు వెళ్తున్న వాహనాన్ని కారు అదుపుతప్పి ఢీకొట్టింది. ఈ ప్రమాదంలో మహిళ ప్రాణాలు కోల్పోయింది. ఈ సంఘటన కీసర పోలీస్ స్టేషన్ పరిధిలో చోటుచేసుకుంది. కారులో దంపతులు సుమన్, రోషిణి, కుమార్తె వైష్ణవి ప్రయాణిస్తున్నారు. ఈ దుర్ఘటనలో తీవ్రంగా గాయపడిన రోషిణిని ఆస్పత్రికి తరలిస్తుండగా దారిలోనే మృతి చెందింది. గాయపడిన సుమన్, వైష్ణవిని ఘట్ కేసర్ ప్రభుత్వాసుపత్రికి తరలించారు. స్థానికుల సమాచారంతో ఘటనాస్థలికి చేరుకున్న పోలీసులు కేసు నమోదు చేసుకుని మృతదేహాన్ని పోస్టుమార్టం నిమిత్తం మార్చురీకి తరలించారు. ఈ ఘటన వారి కుటుంబంలో కన్నీళ్లను మిగుల్చింది.