కారులో మంటలు.. అగ్నికి ఆహుతి

హైదరాబాద్:  రంగారెడ్డి జిల్లా అబ్దుల్లాపూర్‌మెట్‌లో(Abdullapurmet) గురువారం కారులో మంటలు చెలరేగడంతో వాహనం పూర్తిగా కాలిపోయింది. అధికారుల ప్రకారం, ఆ క్యాబ్ రామోజీ ఫిల్మ్ సిటీ వద్ద ప్రయాణికులను దించి, డ్రైవర్ వాహనాన్ని బయట కేటాయించిన పార్కింగ్ స్థలంలో నిలిపాడు. డ్రైవర్ కారులోంచి బయటకు రాగానే వాహనంలో మంటలు చెలరేగాయి. గమనించిన స్థానికులు మంటలను ఆర్పడానికి ప్రయత్నించారు. మంటలు పెద్ద ఎత్తున చెలరేగడంతో అగ్నిమాపక విభాగానికి సమాచారం అందించారు.హుటాహుటిన ఘటనాస్థలికి చేరుకున్నఅగ్నిమాపక వాహనం మంటలను ఆర్పివేసింది. షార్ట్ సర్క్యూట్ కారణంగానే మంటలు చెలరేగి ఉండవచ్చని అధికారులు అనుమానిస్తున్నారు.