కారులో మంటలు.. స్తంభించిన ట్రాఫిక్

ముంబై:  ముంబైలోని(Mumbai) కోస్టల్ రోడ్డులో గురువారం ఉదయం ఒక కారులో(Car catches fire) మంటలు చెలరేగడంతో, ఆ మార్గంలో ట్రాఫిక్‌ను నిలిపివేసినట్లు అధికారులు తెలిపారు. ఈ సంఘటన ఉదయం 9.30 గంటల ప్రాంతంలో కోస్టల్ రోడ్‌లోని దక్షిణం వైపున ఉన్న సొరంగం లోపల జరిగిందని వారు సూచించారు. దక్షిణ ముంబై వైపు వెళుతున్న కారు ముంబైలోని కోస్టల్ రోడ్ టన్నెల్‌లో అకస్మాత్తుగా మంటలు చెలరేగాయని, ఈ ప్రమాదంతో సొరంగం లోపల భయాందోళనలు నెలకొన్నాయని ఇతర  వాహనప్రయాణికులు తెలిపారు. పోలీసులు, అగ్నిమాపక దళం బృందాలు వెంటనే సంఘటనా స్థలానికి చేరుకుని మంటలను ఆర్పడానికి ప్రయత్నాలు ప్రారంభించాయని పేర్కొన్నారు. ట్రాఫిక్‌ అంతరాయం కలగడంతో హాజీ అలీ, వర్లి కనెక్టర్ల ద్వారా వాహనాలను మళ్లిస్తున్నట్లు ట్రాఫిక్ పోలీసులు తెలిపారు.