కొలంబో: వాయువ్య శ్రీలంకలోని(Sri Lanka cable cart accident) ఒక అటవీ ఆశ్రమం వద్ద కేబుల్‌తో నడిచే రైలు బండి బోల్తా పడటంతో ఒక భారతీయుడితో సహా ఏడుగురు బౌద్ధ సన్యాసులు మరణించగా, మరో ఆరుగురు గాయపడ్డారని పోలీసులు గురువారం తెలిపారు. ఈ సంఘటన బుధవారం రాత్రి కొలంబో నుండి 125 కిలోమీటర్ల దూరంలో ఉన్న నికావెరాటియాలో ఉన్న ప్రఖ్యాత బౌద్ధ ఆశ్రమం అయిన నా ఉయనా అరణ్య సేనసనయలో వద్ద జరిగింది. ఈ ఆశ్రమం ధ్యాన విహారాలకు ప్రసిద్ధి చెందింది.

ప్రపంచవ్యాప్తంగా అభ్యాసకులను ఆకర్షిస్తుంది. మరణించిన ఏడుగురు సన్యాసులలో ఒక భారతీయుడు, ఒక రష్యన్, ఒక రొమేనియన్ జాతీయుడు ఉన్నారని పోలీసులు తెలిపారు. గాయపడిన ఆరుగురిలో నలుగురి పరిస్థితి విషమంగా ఉందని వారు తెలిపారు.  ప్రాథమిక నివేదికల ప్రకారం కేబుల్ తెగిపోయిందని, అధిక వేగంతో రైలు బోగీ కిందికి దిగి, పట్టాలు దూకి చెట్టును ఢీకొట్టిందని తెలుస్తోంది. ఈ మఠం రాజధాని కొలంబోకు ఈశాన్యంగా 130 కిలోమీటర్లు (81 మైళ్ళు) దూరంలో ఉంది. సమాచారం అందుకున్న పోలీసులు, సహాయక సిబ్బంది ఘటనాస్థలికి చేరుకుని సహాయక చర్యలు చేపట్టారు.