హైదరాబాద్: తెలంగాణ అవినీతి నిరోధక శాఖ (Anti-Corruption Department) డైరెక్టర్ జనరల్‌గా సీనియర్ ఐపీఎస్ అధికారిని చారు సిన్హా(Telangana ACB Director General) బుధవారం బాధ్యతలు స్వీకరించారు. చారు సిన్హా గతంలో ఏసీబీలో జాయింట్ డైరెక్టర్, డైరెక్టర్, ఇన్‌ఛార్జ్ డైరెక్టర్ జనరల్‌గా పనిచేశారు. ఆమె బ్యూరో పనితీరును బలోపేతం చేయడంలో కృషి చేశారు. బాధ్యతలు స్వీకరించిన తర్వాత, చారు సిన్హా అవినీతిపై ఏసీబీ పోరాటాన్ని బలోపేతం చేయడానికి, పాలనలో పారదర్శకతను నిర్ధారించడానికి, ప్రజాప్రయోజనాలను కాపాడటానికి నిబద్ధతను పునరుద్ఘాటించారు. జవాబుదారీతనం సృష్టించడంలో పౌరులలో విశ్వాసాన్ని పెంపొందించడంలో ఏసీబీ తన చురుకైన పాత్రను కొనసాగిస్తుందని చారు సిన్హా(Charu Sinha) ప్రతిజ్ఞ చేశారు.