బాల్య వివాహాలను అరికట్టాలి

నాగారం: బాల్య వివాహాలు, అక్రమ దత్తత, బాల కార్మిక వ్యవస్థను అరికట్టాలని మండల వైద్యాధికారి డాక్టర్‌ బొమ్మగాని హర్షవర్థన్‌(Mandal Medical Officer Dr. Bommagani Harshvardhan) అన్నారు. మండల కేంద్రంలోని ప్రాథమిక ఆరోగ్య కేంద్రంలో వైద్యశాఖ ఆధ్వర్యంలో బాల వివాహాల నిర్మూలన పోస్టర్లను ఆవిష్కరించారు. ఈ సందర్బంగా ఆయన మాట్లాడుతూ... చిన్న వయస్సు బాల్య వివాహాలు చేసుకుంటుంటే ఆరోగ్యపరంగా అనేక అనర్థాలకు దారితీస్తుందన్నారు. పిల్లల దత్తతను చట్టపరంగా తీసుకోవాలని, బాల కార్మికులను పనిలో పెట్టుకోకూడదన్నారు. ఈ కార్యక్రమంలో సీహెచ్‌వో మాలోతు బిచ్చునాయక్, హెచ్‌ఈ విమల, పీహెచ్‌ఎన్‌ అరుణ కుమారి, సూపర్‌ వైజర్‌ రామచంద్ర, జిల్లా కౌన్సిలర్‌ శోభారాణి, యాదగిరి, ప్రవీణ్‌రెడ్డి, నాగరాజు పాల్గొన్నారు.