వాజేడు,(విజయక్రాంతి): వాజేడు మండలం పరిధిలోగల అయ్యవారిపేట గ్రామంలో శనివారం పౌర హక్కుల దినోత్సవంను స్థానిక ఎమ్మార్వో శ్రీనివాస్, స్థానిక ఎస్సై కృష్ణ ప్రసాద్ ఆధ్వర్యంలో నిర్వహించారు. వారు గ్రామస్తులతో మమేకమై మాట్లాడుతూ... రాజ్యాంగంలో పొందపరచిన పౌర హక్కుల గురించి అలాగే బాధ్యతల గురించి తెలియజేశారు. ఈ సందర్భంగా వారు మాట్లాడుతూ కులం పేరుతో దూషించిన, అంటరానితనం పాటించిన చట్టరీత్య నేరస్థులవుతారని, జైలు శిక్ష జరిమానా రెండు విధించబడునని తెలియజేశారు.

అదేవిధంగా యువత మత్తు పదార్థాలకు దూరంగా ఉండాలని గంజాయి గుడుంబా వంటి చెడువుల బాట్లకు బానిస కారాదని తెలిపారు. అధికారులతో మమేకమైన గ్రామస్తులు అయ్యవారిపేట ఎస్సీ కాలనీలో ఉన్నటువంటి సమస్యలు మంచినీటి సరఫరా, సీసీ రోడ్డు నిర్మాణం, వీధి దీపాలు ఏర్పాటు చేయడం వంటివి ప్రస్తావించారు. గ్రామా అభివృద్ధికై సంబంధించిన సమస్యలను త్వరలోనే పరిష్కరిస్తామని తహసిల్దార్ శ్రీనివాస్ హామీ ఇచ్చారు. ఈ కార్యక్రమంలో గిర్ధవర్క్ కుమారస్వామి జిపిఓ సారయ్య, కారోబార్ గ్రామస్తులు పాల్గొన్నారు.