- తప్పిన పెను ప్రమాదం.. 

- డ్రైవర్ అక్కడికక్కడే మృతి.. 

మేడ్చల్ అర్బన్ (విజయక్రాంతి): మేడ్చల్ మండలం మునీరాబాద్ శివారులో రింగ్ రోడ్డుపై పెను ప్రమాదం తప్పింది. చర్లపల్లి గ్యాస్ నింపుకొని మహారాష్ట్ర వైపు వెళుతున్న ట్యాంకర్ ప్రమాదవశాత్తు రింగ్ రోడ్డు పైనుంచి కిందపడింది. ఈ ప్రమాదంలో ట్యాంకర్ డ్రైవర్ తమిళనాడుకు చెందిన రామరాజ(45) అక్కడికక్కడే మృతిచెందాడు. బోల్తా పడిన ట్యాంకర్ నుంచి గ్యాస్ లీక్ అయింది. వెంటనే హెచ్పీ గ్యాస్ సిబ్బంది వచ్చి లీకేజీ బంద్ చేశారు. ట్యాంకర్ పేలి ఉంటే పెద్ద ప్రమాదం జరిగి ఉండేది. ఒకే వైపు వెళ్తున్న టాటా పంచ్, గ్యాస్ ట్యాంకర్ ఒకటినొకటి ఢీకొనడంతో ప్రమాదం జరిగి ట్యాంకర్ దూసుకెళ్లి రింగ్ రోడ్డు కింద బోల్తా పడినట్లు తెలుస్తోంది. మేడ్చల్ పోలీసులు కేసు నమోదు చేసుకుని దర్యాప్తు చేస్తున్నారు.