మేడ్చల్ అర్బన్, నవంబర్ 28  (విజయక్రాంతి):మేడ్చల్ సబ్ రిజిస్టార్ కార్యాలయంతో పాటు మండల రెవెన్యూ తహసిల్దార్ కార్యాలయాలను మేడ్చల్ మండల పరిషత్ జిల్లా పరిషత్ కార్యాలయాల్లో ఏర్పాటు చేయాలన్న లక్ష్యంతో మేడ్చల్ మల్కాజిగిరి జిల్లా కాంగ్రెస్ పార్టీ నూతన అధ్యక్షులు తోటకూర వజ్రష్ యాదవ్ పరిశీలించినట్లు మేడ్చల్ మున్సిపల్ పట్టణ కాంగ్రెస్ పార్టీ అధ్యక్షులు వేముల శ్రీనివాస్ రెడ్డి తెలిపారు.

ఈ సందర్భంగా మాట్లాడుతూ సంబంధిత అధికారులతో సమావేశమై మాట్లాడి సబ్ రిజిస్టర్ కార్యాలయంతో పాటు మండల రెవెన్యూ తహాసిల్దార్ కార్యాలయాన్ని జిల్లా పరిషత్ మండల పరిషత్ కార్యాలయాలకు మార్చడానికి రాష్ర్ట ముఖ్య మంత్రితో మాట్లాడుతానని చెప్పినట్టు తెలిపారు.ప్రజలకు పారదర్శకమైన వేగవంతమైన సేవలు అందేలా కార్యాలయాలు అందుబాటులో ఉండేలా చర్యలు తీసుకోవాలని ఆయన సూచించారు.

అదేవిధంగా సాధారణ ప్రజలు ఒకే చోట అన్ని ప్రభుత్వ సేవలు పొందేల కార్యాలయాలను రూపకల్పన చేయాల్సిన అవసరం ఉందని వజ్రష్ యాదవ్ వెల్లడించారు.ఈ కార్యక్రమంలో జిల్లా ఆర్టిఏ సభ్యులు తూముకుంట మున్సిపల్ కాంగ్రెస్ పార్టీ అధ్యక్షులు భీమిడి జైపాల్ రెడ్డి.గోమారం రమణారెడ్డి.వరదా రెడ్డి కాంగ్రెస్ పార్టీ నాయకులు పాల్గొన్నారు..