కుమ్రం భీం అసిఫాబాద్ (విజయక్రాంతి): నకిలీ ఎస్సీ సర్టిఫికెట్ తో జిల్లా వ్యవసాయ అధికారిగా విధులు నిర్వహిస్తున్న రావూరి శ్రీనివాస్ పై సమగ్ర విచారణ జరిపి చర్యలు తీసుకోవాలని కెవిపిఎస్, డివైఎఫ్ఐ జిల్లా కార్యదర్శులు దుర్గం దినకర్, గోడిసెల కార్తీక్ శనివారం హైదరాబాద్ లోని వ్యవసాయ శాఖ అదనపు కమిషనర్, డైరెక్టర్ విజయ్ కుమార్ కు వినతిపత్రం అందజేశారు. ఈ సందర్భంగా వారు మాట్లాడుతూ... ఆంధ్రప్రదేశ్ రాష్ట్రం ప్రకాశం జిల్లాకు చెందిన అధికారి ఎస్సీని అని ఉన్నతాధికారులను నమ్మించి, ప్రభుత్వ యంత్రాంగాన్ని తప్పుదోవ పట్టిస్తున్నారని ఆరోపించారు. నకిలీ ఎస్సీగా చలామణి అవుతున్న ఆయనపై క్రిమినల్ కేసులు నమోదు చేయడంతో పాటు ఎస్సీ ఎస్టీ అట్రాసిటీ కేసు నమోదు చేయాలని డిమాండ్ చేశారు.