ప్రజలను మోసం చేస్తుంది: మాజీ ఎమ్మెల్యే గంప గోవర్ధన్

కామారెడ్డి,(విజయక్రాంతి): అమలుకు సాధ్యం కానీ హామీలను ఇచ్చి కాంగ్రెస్ గద్దెనెక్కిందని కామారెడ్డి మాజీ ఎమ్మెల్యే, గంప గోవర్ధన్ అన్నారు. శనివారం కామారెడ్డి జిల్లా కేంద్రంలోని కెవిఎస్ గార్డెన్లో దీక్ష దివాస్ కార్యక్రమాన్ని నిర్వహించారు. ఈ కార్యక్రమానికి ముఖ్యఅతిథిగా హాజరైన మాజీ ఎమ్మెల్యేలు గంప గోవర్ధన్, జాజాల సురేందర్, హనుమంతు షిండే, బి.ఆర్.ఎస్ పార్టీ జిల్లా అధ్యక్షులు ముజీబుద్దిన్ మాట్లాడారు. ఈ సందర్భంగా గంప గోవర్ధన్ గారు మాట్లాడుతూ చావు నోట్లో తలపెట్టి తెలంగాణ రాష్ట్రాన్ని సాధించిన నాయకులు కేసీఆర్ ని అన్నారు.

కేసీఆర్ సచ్చుడు తెలంగాణ వచ్చుడు అనే నినాదంతో ఏర్పడిన తెలంగాణ రాష్ట్రంలో నవంబర్ 29 ని దీక్ష దివస్ పేరుతో జరుపుకుంటున్నామని తెలిపారు. అమలకు సాధ్యం కానీ హామీలను కాంగ్రెస్ ప్రభుత్వం హామీలిచ్చి గద్దెనెక్కిందని అనంతరం వాటిని అమలు చేయడంలో విఫలమై ప్రజలను మోసం చేస్తుందని అన్నారు. 14 ఏళ్లు పోరాటం చేసి సాధించుకున్న తెలంగాణ రాష్ట్రంలో అభివృద్ధి సంక్షేమ రంగాల్లో రాష్ట్రాన్ని మొదటి స్థానంలో నిలిపి నాయకులు కేసీఆర్ అని అన్నారు.

కాలేశ్వరం ప్రాజెక్టు ద్వారా రాష్ట్రంలో లక్షల ఎకరాలకు సాగునీరు అందించి వరి ధాన్యం సాగులో రాష్ట్రాన్ని దేశంలోనే మొదటి స్థానంలో నిలిపారని అన్నారు. ఈ కార్యక్రమంలో బి ఆర్ ఎస్ జిల్లా అధ్యక్షులు ముజీబుద్దిన్, మాజీ ఎమ్మెల్యేలు హనుమంతు షిండే, జాజాల సురేందర్, బిఆర్ఎస్ పార్టీ పట్టణ అధ్యక్షుడు జూ కంటి ప్రభాకర్ రెడ్డి, మాజీ కౌన్సిలర్లు అరకల  ప్రభాకర్ యాదవ్, కుంభాల రవి యాదవ్, లక్ష్మీనారాయణ, పిట్ల వేణుగోపాల్, గైని శ్రీనివాస్ గౌడ్, కృష్ణ యాదవ్, బి ఆర్ ఎస్, నాయకులు, కార్యకర్తలు పాల్గొన్నారు.