మెదక్ జిల్లా కలెక్టర్ రాహుల్‌రాజ్

నర్సాపూర్, మే 16 : బియ్యం డెలివరీతో పాటు రబీ 2022 సీజన్‌కు సంబంధించి టెండర్ అయిన ధాన్యం అప్పగింతలు త్వరగా చేయాలని రైస్‌మిల్ యాజమానులకు మెదక్ జిల్లా కలెక్టర్ రాహుల్‌రాజ్ ఆదేశించారు. నర్సాపూర్ మండలం రెడ్డిపల్లి గ్రామంలో ఉన్న వేంకటేశ్వర రైస్‌మిల్లును గురువారం తనిఖీ చేశారు. ఈ సందర్భంగా కలెక్టర్ మాట్లాడుతూ జిల్లాలో ఉన్న మిల్లర్లు బియ్యం డెలివరీ వేగవంతం చేసి త్వరగా వానకాలం ధాన్యం బియ్యం అప్పగించాలని తెలిపారు. టెండర్ పూర్తయిన యాసింగి రబీ 2022 ధాన్యం వెనువెంటనే అప్పగించేలా చర్యలు తీసుకోవాలని, బియ్యం డెలివరీలో జిల్లాను ముందు వరుసలో నిలుపాలని తెలిపారు. రోజువారీ బియ్యం పంపిణీపై సమీక్ష చేసి రోజువారి నివేదికలు అందజేయాలని అధికారులకు సూచించారు. కలెక్టర్ వెంట జిల్లా పౌర సరఫరాల శాఖ అధికారులు, జిల్లా  మేనేజర్ హరికృష్ణ, సివిల్ సప్లయ్ కార్పొరేషన్ సిబ్బంది ఉన్నారు.