జహీరాబాద్, మే 16 : జహీరాబాద్ పట్టణంలోని అల్లీపూర్ గ్రామ సమీపంలోని గార్డెన్‌నగర్‌లో శుక్రవారం నుంచి 94వ మెథడిస్టు జాతర ప్రారంభం కానున్నది. ఈ నెల 17వ తేది నుంచి 19వరకు జరిగే ఉత్సవాలకు వివిధ ప్రాంతాల నుంచి భక్తులు భారీగా రానున్నారు. భక్తులకు ఇబ్బందులు కలుగకుండా అవసరమైన ఏర్పాట్లన్ని నిర్వాహకులు సిద్ధం చేశారు. ఈ ఉత్సవాల్లో భాగంగా ఈ నెల 17వ తేదీ రాత్రి జెండాల ఊరేగింపు, 18న దైవధ్యాసం, ఆటల పోటీలు, దైవ సందేశాలు, ప్రత్యేక ప్రార్థనలు, బుర్రకథ ప్రదర్శన, భజన కీర్తనాలు, 19న ప్రముఖుల దైవ సందేశాలు, ప్రార్థనలు ఉంటాయని నిర్వాహకులు తెలిపారు. ఈ ఉత్సవాలకు భక్తులు అధిక సంఖ్యలో హాజరై జయప్రదం చేయాలని కోరారు.