1. మాజీ గవర్నర్ బండారు దత్తాత్రేయ
2. సర్పంచ్ ఎన్నికలు ఆపాలి
3. తెలంగాణ బీసీ జేఏసీ చైర్మన్ ఆర్ కృష్ణయ్య
4. కాంగ్రెస్, బీజేపీలను బొంద పెట్టాలి
5. బీసీ జేఏసీ చైర్మన్ జాజుల శ్రీనివాస్‌గౌడ్
6. తెలంగాణ బీసీ సంక్షేమ సంఘం ఆధ్వర్యంలో ఇందిరాపార్క్ వద్ద ధర్నా

ముషీరాబాద్, నవంబర్ 29 (విజయక్రాంతి): పార్లమెంట్‌లో బీసీ బిల్లు ప్రవేశ పెట్టేంత వరకు నిరంతర పోరాటం చేయాలని మాజీ గవర్నర్ బండారు దత్తాత్రేయ సూచించారు. శనివారం హైదరాబాద్ ఇందిరా పార్క్ ధర్నా చౌక్ వద్ద బీసీ సంక్షేమ సంఘం రాష్ట్ర అధ్యక్షుడు ఎర్ర సత్యనారాయణ ఆధ్వర్యంలో 42 శాతం రిజర్వేషన్ల సాధనకై, సర్పంచ్ ఎన్నికలు ఆపే చర్యలు తీసుకోవాలని పెద్ద ఎత్తున ధర్నా నిర్వహించారు.

ఈ ధర్నాకు మాజీ గవర్నర్ బండారు దత్తాత్రేయ,  బీసీ జేఏసీ చైర్మన్ ఆర్ కృష్ణ య్య, హైకోర్టు మాజీ విశ్రాంత న్యాయమూ ర్తి జస్టిస్ చంద్రకుమార్, బీసీ సంక్షేమ సం ఘం జాతీయ అధ్యక్షుడు జాజుల శ్రీనివాస్‌గౌడ్ హాజరయ్యారు. ఈ సందర్భంగా బం డారు దత్తాత్రేయ మాట్లాడుతూ.. రిజర్వేషన్ల సాధనకై ఎన్ని పోరాటాలు చేసినా అంతిమంగా పార్లమెంట్‌లో బిల్లు ప్రవేశపెడితేనే సాధించుకోగలమని, ఆ దిశగా ఉద్యమాన్ని ఉధృతం చేయాలన్నారు.

రాజ్యాంగ సవరణ చేసి విద్య ఉద్యోగ, ఆర్థిక రాజకీయ రంగాల లో రిజర్వేషన్లు కల్పించాలని స్థానిక సంస్థలే కాకుండా అసెంబ్లీ పార్లమెంట్ ఎన్నికల్లో కూడా జనాభా దామాషా ప్రకారం బీసీలకు రిజర్వేషన్ కల్పించాలన్నారు. తెలంగాణ బీసీ జేఏసీ చైర్మన్ ఆర్ కృష్ణయ్య మాట్లాడుతూ.. రాష్ట్ర ప్రభుత్వం తక్షణమే సర్పంచ్ ఎన్నికలు ఆపే చర్య తీసుకోవాలని డిమాండ్ చేశారు.

సీఎం రేవంత్‌రెడ్డి బీసీలను తీవ్రంగా అన్యా యం చేశారని, కామారెడ్డి డిక్లరేషన్ అమలు చేయకుండా బీహార్ ఎన్నికల వరకు కాలయాపన చేశారన్నారు. బీసీలకు 42% రిజ ర్వేషన్లు అంశాన్ని పాతాళానికి తొక్కి 70 సంవత్సరాలుగా బీసీలకు రావాల్సిన వాటా రాకుండా చేసే కుట్రలను కొనసాగించడానికి కేంద్రం, రాష్ట్రం వారి ఆధీనంలోని రాజ్యాం గ స్వయం ప్రతిపత్తి వ్యవస్థను అగ్రవర్ణ ప్రతిపక్ష కారణంగా అప్పటికే పోటీ పడుతు న్నాయని ఆయన ఆరోపించారు.

బీసీ జేఏసీ చైర్మన్ జాజుల శ్రీనివాస్‌గౌడ్ మాట్లాడు తూ.. రెండు కోట్ల బీసీలను అన్యాయం చేసిన కాంగ్రెస్, బీజేపీలను బొంద పెడితేనే న్యాయం జరుగుతుందన్నారు. బీసీలకు అన్యాయం చేసిన బీజేపీ, కాంగ్రెస్  లకు ఎన్నికల్లో బుద్ధి చెప్తామని హెచ్చరించారు. కేంద్ర మంత్రి కిషన్‌రెడ్డి, సీఎం రేవంత్ రెడ్డి, మంత్రి పొంగిలేటి శ్రీనివాస్‌రెడ్డి లు బీసీలకు అన్యాయం చేశారన్నారు.

తెలంగాణ బీసీ సంక్షేమ సంఘం రాష్ట్ర అధ్యక్షుడు ఎర్ర సత్యనారాయణ మాట్లాడుతూ.. బీసీ రిజర్వేషన్లు ఆపే రాజకీయ కుట్ర నాటకాన్ని దగ్గరుండి నడిపిన రాష్ట్ర రెడ్డి ప్రభుత్వం సమన్వయ కేంద్ర రెడ్డి మంత్రి,  సహకరించిన బ్రాహ్మణవాడ కేంద్ర ప్రభుత్వంపై ప్రజా తిరుగుబాటు రాకముందే తాము చేసిన అన్యాయాన్ని సవరించుకోవాలని ఆయన డిమాండ్ చేశారు.

ఈ కార్యక్రమంలో బీసీ అడ్వకేట్ వెల్ఫేర్ అసోసియేషన్ ప్రెసిడెంట్ నాగుల  శ్రీనివాస్ యాదవ్, హిందూ బీసీ మహాసభ రాష్ట్ర అధ్యక్షుడు పర్వత సతీష్, బీసీ జేఏసీ  వర్కింగ్ చైర్మన్ గుజ్జ కృష్ణ, బీసీ సంఘం నాయకులు పి.సతీష్, పురుషోత్తం, సంతోష్, నాగు నగేష్ పద్మారావు, సత్యనారాయణ పటేల్, శ్రీనివాస్, శ్రీకాంత్, భాను ప్రకాష్ తదితరులు పాల్గొన్నారు.