నరదిష్టి వ్యాఖ్యలపై భగ్గుమంటున్న తెలంగాణ 

1. తెలంగాణపై ఏపీ డిప్యూటీ సీఎం పవన్‌కల్యాణ్ అక్కసు
2. ఇక్కడి నేతల నరదిష్టికి వల్లే కొబ్బరితోటలు దెబ్బతిన్నాయంటూ వ్యాఖ్యలు
3. దిష్టికి రాళ్లు సైతం బద్దలవుతాయంటూ ఉవాచ
4. రెండు తెలుగు రాష్ట్రాల ప్రజలు సామరస్యంగా ఉంటున్న వేళ పవన్ వ్యాఖ్యలపై విమర్శలు

* ‘కోనసీమ కొబ్బరి చెట్లతో పచ్చగా కళకళలాడుతుంది. ఈ మాట తెలంగాణ నేతలే ఎన్నోసార్లు అన్నారు. రాష్ట్రం విడిపోవడానికి కోనసీమ పచ్చదనం ఒక కారణం. నర దిష్టికి నల్లరాయైనా బద్దలవుతుంది. కోనసీమ కొబ్బరి చెట్లకు కూడా అదే జరిగినట్లుంది. దిష్టి తగిలి కొబ్బరి చెట్లు మొండెంగా మిగిలాయి’

* ఇవీ అక్షరాలా ఏపీ డిప్యూటీ సీఎం పవన్‌కల్యాణ్ ఇటీవల చేసిన వ్యాఖ్యలు. తెలంగాణపై అక్కసు వెళ్లగక్కిన మాటలు. ఉమ్మడి రాష్ట్ర విభజన జరిగిన తర్వాత ఇరువైపులా ప్రజలు ఎవరి బతుకు వారు బతుకుతున్నారు. సామరస్యంగా, కలుపుగోలుతనంతో మసలుతున్నారు. ఇప్పుడు పవన్ కల్యాణ్ చేసిన వ్యాఖ్యలు రెండువైపులా విద్వేషాలు రేపేలా ఉన్నాయి. దిత్వా తుఫాను ముంచుకొస్తున్న వేళ తెలుగు వారంతా క్షేమంగా ఉండాలని కోరుకోవాల్సిన తరుణంలో.. ఈ చౌకబారు వ్యాఖ్యలేమిటని పలువురు మండిపడుతున్నారు.

* ‘నేను కేవలం ఉప ముఖ్యమంత్రిని. కోట్ల రూపాయలు పంచి మీతో చప్పట్లు కొట్టించుకుని వెళ్లడానికి రాలేదు. ఆర్థిక పరమైన వరాలివ్వడానికి నేనేమీ ముఖ్యమంత్రిని కాను. ఆర్థికపరమైన విషయాలన్నీ ముఖ్యమంత్రి చంద్రబాబు నాయుడు చూసుకుంటారు.’

* ‘జనసేన కార్యకర్తలు మిలిటెంట్లలా పనిచేస్తున్నారు. వారు తమ ఆవేశాన్ని నిర్మాణాత్మక రాజకీయాలకు వినియోగించాలి’.. 

హైదరాబాద్, నవంబర్ 29 (విజయక్రాంతి): డాక్టర్ అంబేద్కర్ కోనసీమ జిల్లా లో ‘మొంథా’ తుఫాను ధాటికి కొబ్బరి తోట లు దెబ్బతినగా, తాజాగా ఏపీ సీఎం పవన్‌కల్యాణ్ బాధిత రైతులను పరామర్శించారు. అక్కడి వెళ్లి బాధలో ఉన్న రైతులను ఓదార్చుతూ పరామర్శించాల్సి ఉండగా,  ఆయన వ్యవహార శైలి ఏదో పెళ్లి వేడుకకు వెళ్లినట్లు కనిపించింది. ‘రాష్ట్రప్రభుత్వం మీ వెంట ఉంది. మీకు అండగా ఉంటుంది.

అవసరమై తే నేను సీఎం చంద్రబాబుతో మాట్లాడి.. మి మ్మల్ని ఆదుకుంటాను. మీకు సాయం అం దించేందుకు కృషి చేస్తాను’ అని భరోసా ఇవ్వాల్సి ఉండగా ఆయనలా చేయలేదు. ‘మీకు వరాలు ఇవ్వడానికి నేనేం ముఖ్యమంత్రిని కాను. ఆ విషయం సీఎం చంద్రబాబు చూసుకుంటారు. నేను కేవలం డిప్యూటీ ముఖ్యమంత్రిని’ అంటూ బాధ్యతారాహిత్యంగా మాట్లాడారు. అక్కడితో ఆగకుండా తెలంగాణపైనా పరోక్షంగా అక్కసు వెళ్లగక్కా రు.

కొబ్బరితోటలు దెబ్బతినడానికి ప్రకృతి విపత్తు అన్న సోయి మరచి కోనసీమపై తెలంగాణ నేతల దిష్టి తగిలిందని నిస్సిగ్గుగా వ్యాఖ్యానించారు. తెలగాణ ప్రాంత నేతలు కోనసీమ పచ్చగా కళకళలాడుతుందని కితాబునివ్వగానే, తోటలకు ‘నరదిష్టి’ తగిలి దెబ్బ తిన్నాయనే అర్థం వచ్చేట్లు చౌకబారు వ్యాఖ్య లు చేశారు. ఆ దిష్టి కూడా మామూలుగా లేదట. నరదిష్టి సోకితే నల్లరాయైనా బద్దలవుతుందట.

తెలంగాణ నేతల చూపు తగిలి పచ్చని కొబ్బరి చెట్లు దెబ్బతిన్నాయని వ్యా ఖ్యానించి, తన రాజకీయ అపరిపక్వతను తనకు తానే చాటుకున్నారని రాజకీయ విశ్లేషకులు అభిప్రాయపడుతున్నారు. ‘జనసేన కార్యకర్తలు మిలిటెంట్లలా పనిచేస్తున్నారు. వారు తమ ఆవేశాన్ని నిర్మాణాత్మక రాజకీయాలకు వినియోగించాలి’ అంటూ వ్యాఖ్యా నించారు. తనకు తాను ఫ్యూడల్ కాలపు సర్వసైన్యాధ్యక్షుడని భావించుకుంటూ ఈ వ్యాఖ్యలు చేసినట్లు కనిపిస్తున్నది.

మిలిటెంట్ అనే పదానికి గెరిల్లా వార్ ఫేర్‌లో సా యుధా పోరాట యోధుడు, లేదంటే లక్ష్యం కోసం సాయుధ పోరాటాన్ని నమ్మి ఆచరించేవారని అర్థం. ఇప్పుడు జనసేన అధిపతిగా పవన్‌కల్యాణ్ తన కార్యకర్తలకు ఏం సం దేశం ఇస్తున్నారనేది ప్రశ్న. ‘మిలిటెంట్లుగా నిర్మాణాత్మక రాజకీయాల్లో ప్రవేశపెట్టాలి’ అని చెప్తున్నారంటే ఆయన ఉద్దేశమేంటో అ ర్థం కాక కార్యకర్తలు  అయోమయంలో పడిపోయారు.

తెలంగాణ నేతల స్ట్రాంగ్ కౌంటర్

పవన్ కల్యాణ్ నరదిష్టి వ్యాఖ్యలపై ఇప్పటికే మాజీ మంత్రి జగదీశ్‌రెడ్డి స్ట్రాంగ్ కౌంట ర్ ఇచ్చారు. ‘తెలంగాణ వాళ్ల దిష్టి ఏపీకి తగలడం కాదు. తెలంగాణకు, మా హైదరాబా ద్‌కే ఏపీ వాళ్ల దిష్టి తగిలింది’ అంటూ చురకలంటించారు. దిష్టి తగులుతుందేమోనని పవన్‌కల్యాణ్‌కు అంత భయంగా ఉంటే, ఒక పెద్ద దిష్టిబొమ్మ పెట్టుకోవాలని ఎద్దేవా చేశా రు. పవన్‌కల్యాణ్‌కు బుద్ధి మందంగించి ఇ లాంటి వ్యాఖ్యలు చేస్తున్నారని దుయ్యబట్టారు.