టూ వీలర్ తో మెకానిక్ చేస్తూ... ఉపాధి

తెలివి, శ్రమతో బతుకుబాట నడిపిస్తున్న... ఎర్ర నర్సయ్య

ప్రతిరోజు 1500 నుండి 2000 సంపాదన

తుంగతుర్తి,(విజయక్రాంతి): లక్షల రూపాయలు పెట్టుబడి లేకుండా, తెలివి, శ్రమతో ఓ వ్యక్తి ఇంటింటికి టు వీలర్ సహాయంతో తిరుగుతూ, మెకానిక్ పనిచేస్తూ, ఉపాధి రంగంలో రాణిస్తున్నారు. సూర్యాపేట జిల్లా శౌలి గౌరారం మండలం వెలుగు పల్లి గ్రామానికి చెందిన ఎర్ర నరసయ్య అనే వ్యక్తి గత కొన్ని సంవత్సరాలుగా గ్యాస్ స్టవ్, మిక్సీ, సీలింగ్ ఫ్యాన్ వంటి పరికరాల మరమ్మతులు చేయడం ప్రారంభించాడు. ఒకే చోట పని దొరకక, ఇబ్బందులు గురవుతున్న తరుణంలో ఏకంగా టూ వీలర్ కి, వెనక ప్రత్యేకంగా గూడ్స్ బండి తయారు చేసుకొని, దానిలో మరమ్మత్తుల లభించే విధంగా, నూతన పరికరాలు.

మరమ్మత్తులు చేసే సామాగ్రితో సహా, ప్రత్యేక స్టాండ్ ఏర్పాటు చేసుకొని, ప్రతి దినము రెండు, మూడు గ్రామాల మొత్తం కలియ తిరుగుతూ, తక్కువ ధరకే గ్యాస్ స్టవ్, మిక్సీ ఫాన్స్ రిపేర్ చేస్తూ, కొత్త పరికరాలను వేస్తూ, తక్కువ ధరకే ఇంటి ముందు పనులు చేస్తూ, ప్రతిరోజు కష్టానికి 1500 నుండి 2000రూపాయలు సంపాదిస్తున్నట్లు ఆనందంతో తెలిపాడు. ఏది ఏమైనా ప్రభుత్వం స్పందించి ఆర్థిక వనరులు కల్పించినట్లయితే, నాతో పాటు ఇంకా నలుగురికి మెకానిక్ నేర్పి, జీవితంలో స్థిరపడేటట్లు చేస్తానని విజయ క్రాంతి దినపత్రికతో ముచ్చటించారు.