బీజేపీ జిల్లా పార్టీ అధ్యక్షురాలు గోదవరి అంజిరెడ్డి

జహీరాబాద్, ఏప్రిల్ 24 : బీజేపీ బలోపేతానికి గ్రామ స్థాయి నుంచి ప్రతి ఒక్కరూ కృషి చేయాలని జిల్లా బీజేపీ అధ్యక్షురాలు గోదవరిఅంజిరెడ్డి అన్నారు. బుధవారం సంగారెడ్డి జిల్లా న్యాల్‌కల్ మండలంలోని మామిడ్గి గ్రామ శివారులోని ఎస్‌ఎస్వీ రెస్టారెంట్ కన్వేషన్ హాల్‌లో మండల కమిటీతో పాటు శక్తి కేంద్రం ఇన్‌ఛార్జిలు, సీనియర్ నాయకుల సమావేశానికి ఆమె ముఖ్యఅతిథిగా హాజరయ్యారు. ఈ సందర్భంగా ఆమె మాట్లాడుతూ గ్రామస్థాయిలో విస్త్రృతంగా కేంద్ర ప్రభుత్వం చేపట్టిన అభివృద్ధి, సంక్షేమ పథకాల గురించి ప్రజలకు వివరించాలన్నారు. పార్టీ బలోపేతానికి ప్రతి కార్యకర్త కృషి చేయాలన్నారు. పార్లమెంట్ ఎన్నికల్లో ఎంపీ అభ్యర్థిగా పోటీచేస్తున్న బీబీపాటిల్‌ను భారీ మెజార్టీతో గెలిపించేందుకు ప్రతి ఒక్కరూ సైనికుల్లా పని చేయాలన్నారు. సమావేశంలో ఉమ్మడి జిల్లా డీసీసీబీ మాజీ చైర్మన్ జైపాల్‌రెడ్డి, పార్టీ జిల్లా ఉపాధ్యక్షుడు మల్లికార్జున్, పార్టీ మండల అధ్యక్షుడు ఓంకర్‌యాదవ్, పార్టీ నాయకులు శివాజీరావు పాటిల్, బస్వరాజ్‌పాటిల్, పాండురంగారావు పాటిల్, ఈరన్న, శ్రీనివాస్‌రెడ్డి, సిద్ధారెడ్డి, నర్సప్ప పాల్గొన్నారు.