* నామినేషన్ ప్రక్రియను పర్యవేక్షించిన జిల్లా ఎస్పీ అఖిల్ మహజన్...

ఆదిలాబాద్,(విజయక్రాంతి): జిల్లాలో గ్రామ పంచాయతీ ఎన్నికలకు పకడ్బందీగా పోలీసు చర్యలు చేపడుతున్నట్టు, ఎన్నికల నియమావళిని కచ్చితంగా అమలు చేయాలని జిల్లా ఎస్పీ అఖిల్ మహాజన్ అధికారుల ఆదేశించారు. గ్రామ పంచాయతీ ఎన్నికల మొదటి విడతలో చివరి రోజు నామినేషన్ సందర్భంగా శనివారం ఇచ్చోడ గ్రామ పంచాయతీ కార్యాలయంలో నిర్వహిస్తున్న నామినేషన్ ప్రక్రియను ఎస్పీ పరిశీలించారు.

చివరి రోజు కావడంతో భారీ ఎత్తున ప్రజలు క్యూ కట్టి తమ గ్రామ పంచాయతీల పరిధిలో తమ సత్తా చాటుకోవడానికి నామినేషన్ దాఖలు చేయడంతో నామినేషన్ కేంద్రాల వద్ద పటిష్ట బందోబస్తును ఏర్పాటు చేసి పరిశీలించడం జరుగుతుందని తెలిపారు. ఇచ్చోడ గ్రామ పంచాయతీ భవనంలో ఇచ్చోడ, దుబాయ్ పేట్, అడేగామా కె, అడేగామా (బి) గ్రామాల నామినేషన్ ప్రక్రియ జరుగుతుంది. దాని పరిశీలించి ఎలాంటి సమస్యలు రాకుండా ప్రశాంత వాతావరణంలో నామినేషన్ ప్రక్రియ పూర్తి కావాలని అధికారుల ఆదేశించారు.

జిల్లా వ్యాప్తంగా నాలుగు చెక్పోస్టులను ఏర్పాటు చేయడం జరిగిందని అందులో మూడు అంతర్ రాష్ట్ర చెక్ పోస్ట్ లు జైనథ్ పిప్పర్ వాడ, బోథ్ ఘన్పూర్, తలమడుగు లక్ష్మీపూర్ లలో అదే విధంగా జాతీయ రహదారిపై నేరడిగొండ నందు రోల్ మామడ చెక్పోస్ట్ ద్వారా ఎన్నికలలో ప్రభావితం చేయకుండా డబ్బు, మద్యం, ఇతరత్రా సామాగ్రి తరలకుండా పర్యవేక్షించడం జరుగుతుంది.