12 June, 2026 | 1:23 PM 
ఇక వాట్సాప్లో విద్యుత్ సేవలు
- టీజీఎస్పీడీసీఎల్ నయా చాట్బాట్ ప్రారంభం
ఫోన్ 8712441912కు హాయ్ పంపండి: సీఎండీ ముషారఫ్
హైదరాబాద్ సిటీ బ్యూరో, ఫిబ్రవరి 22 (విజయక్రాంతి): తెలంగాణ రాష్ట్ర దక్షిణ ప్రాంత విద్యుత్ పంపిణీ సంస్థ తన వినియోగదారుల కోసం అత్యాధునిక సాంకేతిక సేవలను అందుబాటులోకి తెచ్చింది. విద్యుత్ సంబంధిత సమస్యలు, బిల్లింగ్ వివరాలు ఇతర సేవల కోసం వినియోగదారులు కార్యాలయాల చుట్టూ తిరగాల్సిన అవసరం లేకుండా, నేరుగా తమ మొబైల్ ఫోన్ ద్వారానే సమాచారం పొందేలా వాట్సాప్ చాట్బాట్ సేవలను ప్రారంభించింది. సంస్థ చైర్మన్, మేనేజింగ్ డైరెక్టర్ సీఎండీ ముషారఫ్ ఫరూఖీ ఆదివారం ఈ సరికొత్త సదుపాయాన్ని వెల్లడించారు.
విద్యుత్ వినియోగదారులు 8712441912 నంబర్ను తమ ఫోన్ కాంటాక్ట్స్లో సేవ్ చేసుకోవాలని అధికారులు సూచించారు. ఈ నంబర్ వాట్సాప్ ద్వారా హాయ్ అని మెసేజ్ పంపడం ద్వారా చాట్బాట్ యాక్టివేట్ అవుతుంది.
దీని ద్వారా విద్యుత్ అంతరాయాలపై ఫిర్యాదుల నమోదు, నెలవారీ కరెంటు బిల్లుల వివరాలు, బిల్లు చెల్లింపుల స్థితిగతులు విద్యుత్ సరఫరాకు సంబంధించిన తాజా సమాచారాన్ని క్షణాల్లో పొందవచ్చు. ఈ డిజిటల్ విధానం వల్ల వినియోగదారులకు సమయం ఆదా అవ్వడమే కాకుండా, సేవల్లో మరింత పారదర్శకత పెరుగుతుందని సీఎండీ పేర్కొన్నా రు. ఫిర్యాదుల పరిష్కార ప్రక్రియను మరిం త వేగవంతం చేసేందుకు ఈ చాట్బాట్ దోహదపడుతుందని పేర్కొన్నారు.
