ఆకర్షిత ఆరంభం

లక్కీ ఎంటర్‌టైన్‌మెంట్స్ పతాకంపై రూపొందుతున్న కొత్త సినిమా ‘ఆకర్షిత’. త్రిగుణ్ హీరోగా పదినే కుమార్ హీరోయిన్‌గా నటించనున్నారు. రాజ్‌కుమార్  కసిరెడ్డి, అదుర్స్ రఘు, సత్యం రాజేశ్, రవివర్మ, ప్రియ ముఖ్యపాత్రల్ని పోషిస్తున్నారు. సూరిశెట్టి కిషోర్ దర్శకత్వం వహిస్తున్న ఈ చిత్రాన్ని కోరె సందీప్ యాదవ్, శ్రీకాంత్ బట్టు నిర్మాతలు. ఈ చిత్రానికి షేక్ హజారత్ (వలి) కెమెరామెన్‌గా, ఎస్ అర్జున్ ఆర్ట్ డైరెక్టర్‌గా పనిచేయనున్నారు.

రోహిత్ బాబు సంగీతం సమకూర్చనుండగా, పూర్ణాచారి, తిరుపతి సాహిత్యం అందించనున్నారు. ఈ చిత్రం శనివారం పూజా కార్యక్రమాలతో ప్రారంభమైంది. ఈ పూజా కార్యక్రమానికి నిర్మాతలు వంశీ నందిపాటి, దామోదర ప్రసాద్, సీ కళ్యాణ్, జ్యోతిష్య శాస్త్ర నిపుణుడు వేణు స్వామి అతిథులుగా హాజరయ్యారు.