మాజీ సర్పంచ్ మిస్సింగ్

1. శుక్రవారం సాయంత్రం నుంచి కనబడటం లేదంటూ పోలీసులకు ఫిర్యాదు 
   

ప్రస్తుతం ఎన్నికల్లోనూ సర్పంచ్ అభ్యర్థిగా బీఆర్‌ఎస్ మహిళా నేతగా వల్లాల మంగమ్మ

భద్రాద్రి జిల్లా సుభాష్‌నగర్‌లో ఘటన

ఇల్లెందు, నవంబర్ 29 (విజయక్రాంతి): భద్రాద్రి జిల్లా ఇల్లందు మండలం సుభాష్ నగర్ మాజీ సర్పంచ్, ప్రస్తుత సర్పంచ్ అభ్యర్థి, బీఆర్‌ఎస్ మహిళా నేత వల్లాల మంగమ్మ శుక్రవారం రాత్రి నుంచి అదృశ్యమయ్యారు. తన ఫోన్ స్విచ్ ఆఫ్ వస్తుందని, తమ బంధువులు, తెలిసిన వారి ఇళ్లల్లో చూసినా ఆచూకీ లభించలేదని కుటుం సభ్యులు పేర్కొన్నారు. దీంతో శనివారం ఉదయం ఇల్లందు పోలీస్ స్టేషన్‌లో ఫిర్యా దు చేయగా.. పోలీసులు మిస్సింగ్ కేసు నమోదు చేశారు. తమ మధ్య ఎటువంటి కలహాలు లేవని, ఎవరితోనూ శత్రుత్వం లేదంటూ మంగమ్మ భర్త వల్లాల నరసయ్య తెలిపారు.

తిరిగి సర్పంచ్ అభ్యర్థిగా సైతం పోటీ చేయనున్న వల్లాల మంగమ్మ ఎన్నికల నేపథ్యంలో డిసెంబర్ మూడో తేదీ నామినేషన్ వేసే క్రమంలో అనుమానాస్పదంగా కనిపించకపోవడం సర్వత్ర ఆశ్చర్య అనుమానాలు వ్యక్తమవుతున్నాయి. మాజీ ఎమ్మెల్యే బానోత్ హరిప్రియ నాయక్.. మంగమ్మ ఇంటికి వెళ్లి కుటుంబ సభ్యులతో మాట్లాడారు. సర్పంచ్ ఎన్నికల్లో వల్లాల మంగమ్మ గెలుపు ఖాయమని, ఈ నేపథ్యంలో రాజకీయంగా ఏమైనా కుట్రలు జరుగుతున్నాయా అనే విషయంపై ఇల్లెందు మండలంలో సర్వత్ర చర్చనీయాంశమైంది.