అప్పుడొక్క రోజు.. ఇప్పుడు పదిరోజుల దీక్షాదివస్!

1. బీఆర్‌ఎస్ పదేళ్లు ప్రజలకు ఏం చేశారో చెప్పాలి
2. పంచాయతీరాజ్, గ్రామీణాభివృద్ధి శాఖ మంత్రి సీతక్క

హైదరాబాద్, నవంబర్ 29 (విజయక్రాంతి): బీఆర్‌ఎస్ అధికారంలో ఉన్నప్పుడు ఒక్కరోజే దీక్షా దివస్ చేసేవాళ్లని.. ఇప్పుడు పది రోజుల పాటు దీక్షా దివస్ నిర్వహిస్తున్నారని పంచాయతీరాజ్, గ్రామీణాభివృద్ధి శాఖ మంత్రి సీతక్క విమర్శించారు. దీక్షా దివస్ పేరిట బీఆర్‌ఎస్ పార్టీ నాటకాలు ఆడుతోందని, అయినా తెలంగాణ ప్రజలు వాటిని నమ్మరని అన్నారు. శనవారం హైదరాబాద్ మీడియాతో మంత్రి సీతక్క మాట్లా డారు.

ప్రజలకు పదేళ్లలో చేసిన అభివృద్ధి ఏంటో ఈ దీక్షా దివస్‌లో బీఆర్‌ఎస్ చెప్పాలని డిమాండ్ చేశారు. రెండు సంవత్సరాల్లో కాంగ్రెస్ ప్రభుత్వం ప్రజలకు ఎంతో చేసిందన్నారు. ఈ విజయాలను ప్రజలకు వివరిం చేందుకు తాము 10 రోజులపాటు కార్యక్రమాలు నిర్వహిస్తున్నామని..

వీటిని అడ్డుకునే కుట్రతోనే దీక్షా దివస్ పేరుతో బీఆర్‌ఎస్ నాటకాలు ఆడుతోందని మండిపడ్డారు. ‘తెలంగాణ వచ్చాక వందల రెట్లు లబ్ది పొం దింది కేసీఆర్ కుటుంబమే’ అని స్పష్టం చేశా రు. ఆ పార్టీ దగ్గర అధికారం మాత్రమే లేదని, కోట్లాది రూపాయలు ఉన్నాయని తెలిపారు. అధికారం ఉంటేనే ప్రజల్లో ఉం టామని, లేకపోతే బయటకే రావొద్దని ఆ పార్టీ నేతలు భావిస్తున్నారని ఆగ్రహం వ్యక్తం చేశారు.