హైదరాబాద్: డిజిటల్ అరెస్టు పేరిట మోసం కేసులో ముగ్గురు నిందితులను హైదరాబాద్ సైబర్ క్రైమ్ పోలీసులు ఆదివారం అరెస్టు చేశారు. అరెస్టయిన వారిలో పాండు వినీత్ రాజ్ (24), జి తిరుపతయ్య (40), గౌని విశ్వనాథం (46) ఉన్నారు. నిందితులను ఉమ్మడి మహబూబ్ నగర్ జిల్లా వాసులుగా గుర్తించారు. పండు వినీత్ రాజ్ సైబర్ నేరగాళ్లకు బ్యాంకు ఖాతాలు సమకూర్చాడని, నేరగాళ్ల బ్యాంకు ఖాతాకు జాయింట్ హోల్డర్లుగా తీరుపతయ్య, విశ్వనాథం ఉన్నారని  పోలీసులు వెల్లడించారు. 

నిందితులపై దేశవ్యాప్తంగా 5 కేసులు, రాష్ట్రంలో 2 కేసులు నమోదైనట్లు అధికారులు పేర్కొన్నారు. పరారీలో ఉన్న ప్రధాననిందితుడు సందీప్ కోసం పోలీసులు గాలింపు చర్యలు చేపట్టారు. ఈ ముఠా చాగంటి హనుమంతురావు అనే బాధితుడికి సీబీఐ అధికారుల పేరిట ఫోన్ చేశారు. తన ఆధార్ కార్డును దుర్వినియోగం చేసినందుకు అతనిపై కేసు నమోదు చేసినట్లు చెప్పారు. స్కామర్లు బాధితుడి ఆధార్ కార్డును ఉపయోగించి అక్రమ కార్యకలాపాలకు సంబంధించిన బ్యాంకు ఖాతాను తెరిచారని చెప్పారు. వారు CBI నుండి వచ్చామని నమ్మించడానికి అతని ఫోన్‌కు నకిలీ ఎఫ్ఐఆర్ పంపారు.

చట్టపరమైన పరిణామాలకు భయపడి, కేసును పరిష్కరించడానికి మోసగాళ్ళు కోరినట్లుగా బాధితుడు నవంబర్ 7- 14 మధ్య వివిధ బ్యాంకు ఖాతాలకు రూ.1.92 కోట్లను బదిలీ చేసాడని హైదరాబాద్ సైబర్ క్రైమ్ పోలీసులు తెలిపారు. బాధితుడి ఫిర్యాదు మేరకు పోలీసులు కేసు నమోదు చేసి, బ్యాంకు ఖాతాలను అందించడం ద్వారా సైబర్ స్కామర్లకు సహాయం చేసిన ముగ్గురు వ్యక్తులను అరెస్టు చేశారు. అరెస్టయిన వారిలో పాండు వినీత్ రాజ్ (24), జి తిరుపతయ్య (40), గౌని విశ్వనాథం (46) ఉన్నారు.