స్పెషల్ ఎడ్యుకేషన్ పోస్టుల ఫలితాలివ్వండి

డీఎడ్, బీఎడ్ అభ్యర్థుల సంఘం

హైదరాబాద్,అక్టోబర్10(విజయక్రాంతి): డీఎస్సీలోని స్పెషల్ ఎడ్యుకే షన్ పోస్టుల ఫలితాలను విడుదల చేయాలని తెలంగాణ రాష్ట్ర డీఎడ్, బీఎడ్ అభ్యర్థుల సంఘం అధ్యక్షుడు రావుల రామ్మోహన్ రెడ్డి డిమాండ్ చేశారు. విద్యాశాఖ 10,006 టీచర్ పోస్టులకు నియామక పత్రాలిచ్చి మిగిలిన 1,056 పోస్టులకు ఫలితాలు విడు దల చేయకపోవడంతో ఆయా జిల్లాల అభ్యర్థులు ఆవేదన వ్యక్తం చేస్తున్నారని తెలిపారు. వెంటనే సమస్యను పరిష్కరించి వారికి సైతం నియామక పత్రాలు అందజేయాలని కోరారు. ఇదిలా ఉండగా నియామకపత్రాలు అందుకున్న 10 వేల మంది నూతన టీచర్లలో గురువారం కొంత మంది ఆయా జిల్లాల్లో రిపోర్టింగ్ చేశారు.