గోపీచంద్ కొత్త సినిమా ప్రారంభం

హీరో టి.గోపీచంద్ ప్రతిష్టాత్మక చిత్రం ’గోపీచంద్34’ ద్వారా ప్రముఖ ఫైట్ మాస్టర్ వి వెంకట్ దర్శకుడిగా పరిచయం అవుతున్నారు. బలమైన కథాంశాలతో కూడిన చిత్రాలను అందించడంలో పేరుపొందిన ’70ఎంఎం ఎంటర్టైన్మెంట్స్’ బ్యాన్ప, విజయ్ చిల్లా, శశి దేవిరెడ్డి ఈ చిత్రాన్ని భారీ ఎత్తున నిర్మిస్తున్నారు. ఈ చిత్రంలో కథానాయికగా మలయాళ నటి అనార్కలి నజర్ను ఎంపిక చేసినట్లు నిర్మాతలు ప్రకటించారు. ఈ చిత్రం ద్వారా ఆమె తెలుగు చిత్రసీమలో అడుగుపెడుతున్నారు.

ఈ చిత్రం ప్రారంభోత్సవం ఆదివారం పూజా కార్యక్రమాలతో జరిగింది. ఈ వేడుకకు చిత్ర యూనిట్ సభ్యులతో పాటు పలువురు ప్రత్యేక అతిథులు హాజరయ్యారు. ఈ ముహూర్త కార్యక్రమంలో దర్శకుడు శివ నిర్వాణ, నిర్మాతలు కేఎల్ దామోదర్ ప్రసాద్, రవిశంకర్ స్క్రిప్ట్ను అందజేశారు. యాక్షన్ కొరియోగ్రాఫర్లు రామ్-లక్ష్మణ్ మాస్టర్స్ కెమెరా స్విచ్ ఆన్ చేయగా, మల్లెమాల శ్యామ్ ప్రసాద్ రెడ్డి ఫస్ట్‌క్లాప్ కొట్టారు. నిర్మాత దిల్ రాజు ముహూర్తపు సన్నివేశానికి గౌరవ దర్శకత్వం వహించారు.

త్వరలోనే ఈ చిత్రం రెగ్యులర్ షూటింగ్ ప్రారంభం కానుంది. ఈ చిత్రంలో గోపీచంద్ పూర్తి యాక్షన్ అవతార్లో, ఇంటెన్స్ డ్రామా, ఎమోషన్స్ కూడిన పాత్రలో కనిపించనున్నారు. ఈ చిత్రానికి డీవోపీ: షామ్దత్ ఐసీఎస్; సంగీతం: సామ్ సీఎస్; ఎడిటింగ్: శ్రీకర్ ప్రసాద్; ప్రొడక్షన్ డిజైన్: రామకృష్ణ-మోనిక; నిర్మాతలు: విజయ్ చిల్లా, శశి దేవిరెడ్డి; రచన, దర్శకత్వం: వీ వెంకట్.