శంకర్‌పల్లిలో వడగళ్ల వాన

శంకర్‌పల్లి, మార్చి 17 (విజయక్రాంతి): శంకర్ పల్లి మండల కేంద్రంతో పాటు పరిసర గ్రామాల్లో మంగళవారం భారీ వడగళ్ల వాన బీభత్సం సృష్టించింది. ఒక్కసారిగా వాతావరణం చల్లబడటంతో సుమారు అరగంట పాటు ఆకాశం నుండి మంచు ముక్కలు వర్షంలా కురిశాయి. కేరింతలు కొట్టిన చిన్నారులుచాలా కాలం తర్వాత వడగళ్ల వాన కురవడంతో స్థానిక పిల్లలు, పెద్దలు ఆనందానికి లోనయ్యారు.

చిన్నారులు గొడుగులు పట్టుకుని వీధుల్లోకి వచ్చి, వడగళ్లను ఏరుకుంటూ కేరింతలు కొట్టారు. వీటిని నోటిలో వేసుకుంటే చలికాలంలో శరీరానికి వేడి పుడుతుందని పెద్దలు చెప్పడంతో, ఉత్సాహంగా ఆ వడగళ్లను తింటూ సరదాగా గడిపారు.పంట పొలాల్లో మంచు కుప్పలుమండలంలోని కొన్ని ప్రాంతాల్లో ఒక మోస్తరుగా వర్షం కురవగా, మరికొన్ని గ్రామాల్లో మాత్రం వడగళ్లు కుప్పలు కుప్పలుగా పడ్డాయి.

ముఖ్యంగా పంట పొలాల్లో మంచు రాళ్లు పేరుకుపోయి తెల్లటి దుప్పటి కప్పినట్లుగా కనిపించాయి. అకాలంగా కురిసిన ఈ వడగళ్ల వాన వల్ల కొన్ని చోట్ల పంటలకు నష్టం వాటిల్లే అవకాశం ఉందని రైతులు ఆందోళన వ్యక్తం చేస్తున్నారు.సుమారు 30 నిమిషాల పాటు వాన కురిసింది.