హ్యపీ బర్త్ డే

నేడు వెన్నెలకంటి జయంతి. ఇంటిపేరు ‘వెన్నెలకంటి’తో చిత్రసీమకు సుపరిచితుడైన ఈ ప్రసిద్ధ పాటల రచయిత పూర్తి పేరు వెన్నెలకంటి రాజేశ్వర ప్రసాద్. 1957 నవంబర్ 30న నెల్లూరులో పుట్టిన ఆయన బాల్యం నుంచే హరికథలు, ఆధ్యాత్మిక ప్రసంగాలు వినేందుకు ఇష్టపడేవారు. 11 ఏళ్లకే కవితలు, పద్యాలు రాశారు. 1986లో నటుడు, నిర్మాత డాక్టర్ ప్రభాకర్‌రెడ్డి ప్రోద్బలంతో ‘శ్రీరామచంద్రుడు’ సినిమాలో ‘చిన్ని చిన్ని కన్నయ్యకు వెన్నెల జోల’ అనే పాటతో వెండితెరకు గీత రచయితగా పరిచయమయ్యారు.

తర్వాత 1987లో ఎస్పీ బాలసుబ్రహ్మణ్యం ప్రోత్సాహంతో ‘అన్నాచెల్లెలు’ చిత్రంలో ‘అందాలు ఆవురావురన్నాయి’ అనే పాట రాశారు. ‘నాయకుడు’ సినిమాతో అనువాదంలోకి ప్రవేశించిన ఆయన ‘ప్రేమాగ్ని’ సినిమాకు తెలుగులో మాటలు రాశారు. కమల్ హాసన్ నటించిన ‘సత్యభామ’ సినిమాకు డబ్బింగ్ రాశారు. సుమారు 2000 పాటలు రాశారు. 2021, జనవరి 5న కాలం చేశారు.