హైదరాబాద్: బీఆర్ఎస్ ప్రభుత్వం 1.65 లక్షల ప్రభుత్వ ఉద్యోగాలు భర్తీ చేసిందని మాజీ హరీశ్ రావు(Former Minister Harish Rao) వెల్లడించారు. తాము పెట్టిన బడ్జెట్ ఆధారంగానే ప్రజలు తీర్పు ఇచ్చారని చెప్పారు. రాజీవ్ యువవికాసం ఎప్పుడు అమలు చేస్తారో ప్రభుత్వం చెప్పాలని హరీశ్ రావు డిమాండ్ చేశారు. మహిళా సంఘాలకు రూ. లక్ష కోట్ల వడ్డీలేని రుణాలు ఇస్తామని రెండు బడ్జెట్ లలో చెప్పారు. మూడోబడ్జెట్ కు వచ్చేసరికి వడ్డీ లేని అనే పదం తీసేసి.. రుణాలు మాత్రమే అని పెట్టారని సూచించారు.

18 ప్రాజెక్టులు పూర్తి చేస్తామని చెప్పి రెండున్నరేళ్లలో ఒక్క ప్రాజెక్టు కూడా పూర్తి చేయలేదని విమర్శించారు. కాంగ్రెస్ పాలనలో రాష్ట్ర ఆదాయం ఎందుకు తగ్గుతుందో చెప్పాలని కోరారు. హైడ్రా, విధ్వంసక ఆలోచన వల్ల ఆదాయం తగ్గుతోందని తెలిపారు.  బీఆర్ఎస్ పదేళ్ల పాలనలో ఎన్నిక ఉద్యోగాలు ఇచ్చారో.. చెప్పాలని మంత్రి సీతక్క డిమాండ్ చేశారు. నోటిఫికేషన్లు ఇచ్చినంత మాత్రానా వారికి జీతాలు అందాయా? అని సీతక్క ప్రశ్నించారు. పదేళ్లు అధికారంలో ఉండి.. ఒక్కసారి కూడా రుణమాఫీ పూర్తి చేయలేదని ఎద్దేవా చేశారు. ఈ ప్రభుత్వమే పరీక్షలు జరిపి, నియామకపత్రాలు ఇచ్చిందని సీతక్క స్పష్టం చేశారు.