పుణెలో కుప్పకూలిన హెలికాఫ్టర్

ముంబయి నుంచి హైదరాబాద్ వస్తుండగా ఘటన

పైలెట్‌కు తీవ్ర గాయాలు, మిగితా ప్రయాణికులు సేఫ్

పుణె (మహారాష్ట్ర), ఆగస్టు 24: మహారాష్ట్రలోని పుణెలోని పౌద్ సమీపంలో ఓ ప్రైవేట్ హెలికాఫ్టర్ శనివారం కుప్పకూలిపోయింది. పుణె రూరల్ ఎస్పీ పంకజ్ దేశ్‌ముఖ్ మాట్లాడుతూ.. పైలెట్ సహా నలుగురు ప్రయాణికులతో కూడిన ఓ ప్రైవేట్ హెలికాఫ్టర్ శనివారం ముంబయి నుంచి హైదరాబాద్ వస్తుండగా పుణె సమీపంలోని పౌద్ సమీపంలో కుప్పకూలిపోయింది. అదృష్టవశాత్తూ ఎలాంటి ప్రాణనష్టం జరుగలేదు. అయితే హెలికాఫ్టర్ పైలెట్ తీవ్రంగా గాయపడగా మిగితా ముగ్గురు సురక్షితంగా ఉన్నట్లు ఎస్పీ తెలిపారు. ప్రమాదం జరిగిన హెలికాఫ్టర్ గ్లోబల్ వెక్ట్రా కంపెనీకి చెందినదిగా తెలిపారు. శనివారం పుణెలో భారీ వర్షాలు కురిశాయి. ఈ నేపథ్యంలో ప్రతికూల వాతావరణ పరిస్థితుల కారణంగా ఈ ప్రమాదం జరిగినట్లు ప్రాథమిక సమాచారం.