బెల్లంకొండ సాయి శ్రీనివాస్, మనోజ్ మంచు, నారా రోహిత్ హీరోలుగా నటిస్తున్న యాక్షన్ థ్రిల్లర్ ‘భైరవం’. విజయ్ కనకమేడల దర్శకత్వంలో శ్రీ సత్యసాయి ఆర్ట్స్ బ్యానర్‌పై కేకే రాధామోహన్ నిర్మిస్తున్న ఈ చిత్రంలో అదితి శంకర్, ఆనంది, దివ్యా పిళ్లు కథానాయికలుగా నటిస్తున్నారు. ఈ సినిమా మే 30న థియేటర్లలో విడుదల కానుంది. ఈ సందర్భంగా హీరోయిన్ అదితి శంకర్ విలేకరులతో సినిమా విశేషాలను పంచుకుంది.

ఈ ప్రాజెక్టులోకి ఎలా వచ్చారు..?

నేను తమిళ్‌లో చేసిన తొలి సినిమాను డైరెక్టర్ విజయ్ చూశారు. ‘భైరవం’లో క్యారెక్టర్‌కు నేనైతే యాప్ట్‌గా ఉంటుందని భావించడం వల్ల నేను ఈ ప్రాజెక్టులోకి వచ్చాను. 

ఇది మీ తొలి తెలుగు సినిమా కదా.. ఎలాంటి సవాళ్లను ఎదుర్కొన్నారు..?

భాషాపరంగా ఒక బ్యారియర్ ఉంటుందని ముందుగా భావించాను. అయితే డైరెక్టర్, రైటర్ సత్య చాలా సహకరించారు. దీంతో ఈ ప్రయాణం చాలా సాఫీగా సాగింది. 

ఈ సినిమాలో మీ క్యారెక్టర్ ఎలా ఉండబోతుంది..?

-ఇందులో బోల్డ్ అండ్ హానెస్ట్, అదే సమయంలో బబ్లీగా ఉండే పాత్రలో కనిపిస్తాను. ఇది నా ఒరిజినల్ క్యారెక్టర్‌కు దగ్గరగానే ఉంటుంది. -మా నాన్నతో కలిసి రామోజీ ఫిలిం సిటీ, తెలుగు రాష్ట్రాల్లో షూటింగులకు వచ్చేదాన్ని. ఇప్పుడు నా సొంత సినిమా కోసం ఇక్కడికి వచ్చి షూటింగ్ చేస్తుండటం ఒక డ్రీమ్ కమ్ ట్రూ మూమెంట్. నాకు తెలుగులో పనిచేయాలని ఎప్పట్నుంచో ఉండేది. ఇలాంటి మంచి సినిమాతో తెలుగు ప్రేక్షకులకు ముందుకు రావడం చాలా ఆనందంగా ఉంది. 

ఎలాంటి సినిమాలు చేయడానికి ఇష్టపడతారు..?

కథ, అందులో నా పాత్ర బాగుంటే కచ్చితంగా చేస్తా

మీ నాన్న ఇండియాలో బిగ్గెస్ట్ డైరెక్టర్ కదా.. మీరొక హీరోయిన్‌గా మిమ్మల్ని నిరూపించుకోవడానికి ఎలాంటి ఛాలెంజ్ ఎదుర్కొంటారు..?

రియల్లీ ఇది నైస్ ఛాలెంజ్. నాన్న ఇమేజ్‌ను ఒక గౌరవంగానే భావిస్తాను కానీ అది ఎప్పుడూ ఒత్తిడిగా తీసుకోను.

ఇది మల్టీ స్టార్ సినిమా కదా.. ముగ్గురు హీరోలతో మీ జర్నీ ఎలా ఉండేది..?

ఇది రియల్లీ వెరీ ఫన్ ఎక్స్పీరియన్స్. మనోజ్ నాకు తెలుసు. ఆయన నన్ను సెట్‌లో చూసి ఇక్కడ ఏం చేస్తున్నావ్ అని అడిగారు. తర్వాత ఈ సినిమాలో నటిస్తున్నానని చెప్పా. అది రియల్లీ ఫన్ మూమెంట్. సాంగ్ షూట్ సమయంలో ఫస్ట్ టైమ్ సాయిని కలిశా. ఆయన చాలా డౌన్ టు ఎర్త్ పర్సన్. రోహిత్ కూడా చాలా నైస్ పర్సన్. ఈ ముగ్గురికి తమిళ్ మాట్లాడడం తెలుసు. సో ఈ జర్నీ చాలా కంఫర్టబుల్‌గా జరిగింది. ముగ్గురు అద్భుతంగా పెర్ఫాం చేశారు.

మ్యూజిక్ గురించి..?

శ్రీచరణ్ అద్భుతమైన మ్యూజిక్ ఇచ్చారు. ఇప్పటికే రిలీజ్ అయిన సాంగ్స్‌కు అద్భుతంగా అద్భుతమైన రెస్పాన్స్ వచ్చింది. మరో పాట కూడా రాబోతుంది. ఆ పాట కూడా చాలా వండర్ఫుల్‌గా ఉండబోతుంది. నాకు డ్యాన్స్ చాలా ఇష్టం. ఇందులో రెండు డాన్సింగ్ నెంబర్స్ ఉన్నాయి. ఆ రెండు కూడా నాకు వెరీ ఫేవరెట్.

మీరు తెలుగు సినిమాలు చూస్తుంటారా..? మీ ఫేవరేట్ మూవీ..?

చూస్తాను. నా ఫేవరెట్ మూవీ ‘మగధీర’. ఎందుకంటే నేను ఫస్ట్ థియేటర్లో చూసిన తెలుగు సినిమా అది. అలా రాజమౌళికి, రామ్‌చరణ్‌కు నేను బిగ్ ఫ్యాన్‌గా మారిపోయా.

మీ నాన్న మీరు చేస్తున్న కథలు వింటారా..?

లేదండి. మా నాన్నకు నేను చేస్తున్న సినిమాలు, వాటికి సంబంధించిన కథలు ఏమీ తెలియదు. మా అమ్మకు ప్రతిదీ చెప్తుంటా. మా నాన్న తన సినిమాలతో బిజీగా ఉంటారు. ఆయన సినిమాలకు సంబంధించిన విశేషాలు కూడా ఏమి చెప్పరు. ఆయన సినిమాను ఒక పసిపాపలాగా జాగ్రత్తగా చూసుకుంటారు.

మీ నాన్న మీ సినిమాలు చూస్తారా..?

ఆయనకు మరో ఆప్షన్ లేదు. నా సినిమాలు చూడకపోతే ఆయనతో ఫైట్ చేస్తా (నవ్వుతూ). 

నిర్మాత గురించి చెప్తారా..!

రాధామోహన్ ప్రతిరోజు సెట్‌కు వచ్చేవారు. షూటింగ్‌ను చాలా ఎంజాయ్ చేసేవారు. ఆయన చాలా నైస్ పర్సన్. 

డైరెక్టర్ విజయ్ కనకమేడల గురించి...

క్లారిటీ ఉన్న డైరెక్టర్. సెట్‌లో మంచి వాతావరణాన్ని క్రియేట్ చేస్తారు. నటీనటుల ప్రతిభనున ఎలా రాబట్టుకోవాలో ఆయనకు బాగా తెలుసు. విజన్ ఉన్న డైరెక్టర్.

మీకు డ్రీమ్ రోల్స్ ఉన్నాయా?

-నాకు హిస్టారికల్, పీరియాడిక్ సినిమాలు చేయాలని ఉంది. ఛాలెంజింగ్ ఉమెన్ క్యారెక్టర్స్ చేయాలనుంది.