ఉస్మానియా యూనివర్సిటీకి భారీ విరాళం

రూ.92 లక్షలకు పైగా పూర్వ విద్యార్థి సహాయం 

హైదరాబాద్, జూన్ 8 (విజయక్రాంతి): ఉస్మానియా యూనివర్సిటీకి పూర్వ విద్యార్థి భారీ విరాళం ప్రకటించారు. మైనింగ్, ఎలక్ట్రికల్ ఇంజనీరింగ్ విభాగాల ఆధునికీకరణకు రూ.92 లక్షలకు పైగా సహాయం అందించారు. యూనివర్సిటీ విశిష్ట పూర్వ విద్యార్థి, అమెరికాలోని ’టెల్లా సకామోటో ఫౌండేషన్’ ప్రతినిధి టెల్లా గోపాల్ రావు 1,10,000 యూఎస్ డాలర్ల (సుమారు రూ.92 లక్షలకు పైగా) భారీ విరాళాన్ని అందజేశారు.

యూనివర్సిటీ కాలేజ్ ఆఫ్ ఇంజనీరింగ్ మైనింగ్ ఇంజనీరింగ్ విభాగంలో 1960 బ్యాచ్‌కు చెందిన టెల్లా గోపాల్‌రావు.. మైనిం గ్ విద్యారంగ పురోగతికి 1,00,000 డాలర్లను, ఎలక్ట్రికల్ ఇంజనీరింగ్ విభాగంలో అత్యాధునిక మౌలిక సదుపాయాల అభివృద్ధికి 10,000 డాలర్లను కేటాయించారు. ఈ విరాళంపై ఉస్మానియా యూనివ ర్సిటీ వైస్-ఛాన్సలర్ ప్రొఫెసర్ కుమార్ మొలుగురాం కృతజ్ఞతలు వ్యక్తం చేశారు.