హైడ్రాకు మద్దతుగా భారీ ర్యాలీ

హైదరాబాద్: ప్రభుత్వ భూములను పరిరక్షిస్తున్నందుకు హైడ్రాను అభినందిస్తూ, ఉప్పల్‌లోని నాలుగు నివాస కాలనీల సభ్యులు ఎన్టీఆర్ గార్డెన్స్ నుండి సచివాలయం వరకు ర్యాలీ నిర్వహించారు. ముఖ్యమంత్రి ఎ. రేవంత్ రెడ్డి, హైడ్రా (Hydraa) కమిషనర్ ఎ.వి. రంగనాథ్ చేస్తున్న కృషిని అభినందిస్తూ నినాదాలు చేస్తూ, ప్లకార్డులు పట్టుకుని మెడిపల్లిలోని టెలిఫోన్ కాలనీ, వట్టినాగులపల్లి, జయలక్ష్మి కాలనీ, బోడుప్పల్ ప్రాంతాల నివాసితులు ఈ ర్యాలీలో పాల్గొన్నారు. ప్రభుత్వ భూములను రక్షించడానికి, ఆక్రమణదారులపై కఠిన చర్యలు తీసుకోవడానికి, రాష్ట్రవ్యాప్తంగా 'హైడ్రా' (Hydraa) పరిధిని విస్తరించాలని వారు రాష్ట్ర ప్రభుత్వాన్ని కోరారు. దీనివల్ల భూములు ఆక్రమణల బారిన పడకుండా రక్షణ లభిస్తుందన్నారు. రూ. 1 లక్ష కోట్ల కంటే ఎక్కువ విలువైన భూమిని 'హైడ్రా' (Hydraa) కాపాడిందని ప్రజలు పేర్కొన్నారు. గ్రేటర్ హైదరాబాదులో కాలుష్యాన్ని తగ్గించడానికి చెరువుల పునరుద్ధరణ కొనసాగాలని, హైడ్రాను మరింత పటిష్టం చేసి శాశ్వతంగా కొనసాగి చాలని ప్రజలు డిమాండ్ చేశారు.