హైదరాబాద్: నగరంలో కురుస్తున్న భారీ వర్షాల కారణంగా ప్రజలు బయటకు రావొద్దని హైదరాబాద్ ట్రాఫిక్ పోలీసులు(Hyderabad Traffic Police ) హెచ్చరికలు జారీ చేశారు. ఆగస్టు 15 వరకు హైదరాబాద్‌లో భారీ వర్షాలు కురిసే అవకాశం ఉందని ఐఎండీ కూడా హెచ్చరికలు జారీ చేసింది. ఈ నేపథ్యంలో అత్యవసర పరిస్థితి ఉంటే తప్ప బయటకు వెళ్లవద్దని అధికారులు సూచించారు. వాహనాల్లో ప్రయాణించేవారు, బైక్‌లు నడుపుతున్నవారు ఆకస్మిక బ్రేకింగ్‌లను(Sudden brak) నివారించాలని, ట్రాఫిక్ నియమాలను పాటించాలని పోలీసులు హెచ్చరించారు. పౌరులు సురక్షితమైన దూరం పాటించాలని, జాగ్రత్తగా వాహనాలు నడపాలని కూడా వారు కోరారు. ఇదిలా ఉండగా, ఆగస్టు 13 నుండి 15 వరకు నగరంలో భారీ వర్షాలు కురుస్తాయని ఐఎండీ హైదరాబాద్(IMD Hyderabad) కేంద్రం అంచనా వేసింది. ముందుజాగ్రత్త చర్యగా, జిహెచ్‌ఎంసి పరిధిలోని పాఠశాలలకు విద్యా శాఖ(Education Department) సగం రోజును ప్రకటించింది. ఐటీ నిపుణులు ఇంటి నుండి పని చేసే ఎంపికను పరిగణించాలని అధికారులు సూచించారు. హైదరాబాద్ నగరంలోని పలు ప్రాంతాల్లో బుధవారం ఉదయం వర్షం కురిసింది.