calender_icon.png 30 November, 2025 | 5:54 PM

  • top-fb.png
  • top-tw.png
  • top-insta.png
  • top-yt.png

కష్టపడి చదివితే ఉన్నత శిఖరాలను అధిరోహించవచ్చు

30-11-2025 05:07:32 PM

జిల్లా ఎస్పీ శరత్ చంద్ర పవర్

చిట్యాల (విజయక్రాంతి): కష్టపడి చదివితే ఉన్నత శిఖరాలను అధిరోహించవచ్చునని దానికి విద్య ప్రధాన ఆయుధమని జిల్లా ఎస్పీ శరత్ చంద్ర పవర్ అన్నారు. ఆదివారం చిట్యాల మండలంలోని వెలిమినేడు గ్రామంలో నాతి లక్ష్మీనరసింహ ఫౌండేషన్ ఆధ్వర్యంలో నిర్వహించిన విద్య, ఉద్యోగ అవగాహన సదస్సుకు ఆయన ముఖ్య అతిథిగా హాజరై మాట్లాడారు. విద్య అనేది ఏ ఒక్కరి సొంతము కాదని ప్రతి ఒక్కరు కష్టపడి చదివితే ఉన్నత శిఖరాలను అధిరోహించవచ్చునని సూచించారు. చాలామంది నిరుద్యోగులు డిగ్రీలు, పీజీలు వంటి ఉన్నత విద్యలు అభ్యసించి ఎలాంటి ఉపాధి పొందలేక  నిరాశ, నిస్పృహలకు లోనై ఆత్మహత్యలకు పాల్పడుతున్న సంఘటనలు ఎన్నో ఉన్నాయి అన్నారు.

యువత జీవితంపై ఆశతో  విజయం దక్కేవరకు పోరాడుతూనే ఉండాలని అప్పుడే ఉన్నత లక్ష్యాలను అందుకుంటామన్నారు. చాలామంది యువత సున్నిత స్వభావంతో ఉండి నిరాశ నిస్పృహలకు గురికాకుండా ధైర్యంతో, తెగింపుతో, మొక్కవోని లక్ష్యంతో ముందుకు వెళ్లాలని అన్నారు. తమ తల్లిదండ్రులు తమపై పెట్టుకున్న ఎన్నో ఆశలను, నమ్మకాలను వమ్ము చేయకుండా కష్టపడి చదివితే తప్పకుండా ఫలితం ఉంటుందని పునరుద్ఘాటించారు. ఈ కార్యక్రమంలో నల్గొండ డిఎస్పి కె శివరాం రెడ్డి, నార్కెట్పల్లి సీఐ నాగరాజు, ఎస్సై మామిడి రవికుమార్, ఫౌండేషన్ వ్యవస్థాపక అధ్యక్షులు నాతి శ్రీనివాస్ గౌడ్ తదితరులు పాల్గొన్నారు..