ఓటమి భయంతోనే అక్రమ అరెస్టులు

ఎమ్మెల్యే విజయుడు 

అలంపూర్ ఫిబ్రవరి 11 వడ్డేపల్లి మున్సిపాలిటీలో బీఆర్‌ఎస్ పార్టీ గెలుస్తుందన్న భయంతో అధికార కాంగ్రెస్ పార్టీ, ఇతర పార్టీలు కలిసి మా నాయకులను అక్రమంగా అరెస్టులు చేయించడం సమంజసం కాదని ఎమ్మెల్యే విజయుడు ఫైర్ అయ్యాడు. బుధవారం వడ్డేపల్లి మున్సిపాలిటీ లో తమ పార్టీకి చెందిన నాయకులను పోలీసులు అక్రమ అరెస్టులను ఖండిస్తూ ... పోలీస్ స్టేషన్ కి వెళ్లి వారిని పరామర్శించారు.

అనంతరం ఎమ్మెల్యే మాట్లాడుతూ...అధికార కాంగ్రెస్ పార్టీ ఇతర చోట మోట పార్టీలు ఓటమి భయంతోనే ఇలాంటి పనులను చేయిస్తున్నట్లు  ఎమ్మెల్యే మండిపడ్డారు. ఎవరు ఎన్ని కుట్రలు పన్నినా వడ్డేపల్లి మున్సిపాలిటీలో వందకు వంద శాతం బీఆర్‌ఎస్ జెండాను ఎగరేస్తామని ధీమా వ్యక్తం చేశారు. ఇకపై ఈ అరాచకాలు, ఈ దౌర్జన్యాలు సాగనీయమని ఎమ్మెల్యే స్పష్టం చేశారు.