తుంగతుర్తి, సెప్టెంబర్ 20: సూర్యాపేట జిల్లాలోని తుంగతుర్తి తహసీల్దార్ కార్యాలయంలో అధికారులు సమయం పాలన పాటించడం లేదని ‘సార్లు.. సమయానికి రారు’ అనే శీర్షికన విజయక్రాంతిలో శుక్రవారం కథనం ప్రచురితమైంది. స్పందించిన సూర్యాపేట ఆర్డీవో వేణుమాధవరావు తుంగతుర్తితో పాటు నియోజకవర్గంలోని అన్ని తహసీల్దార్ కార్యాలయాలను శుక్రవారం తనిఖీ చేశారు. అధికారులు సమయపాలన పాటిస్తున్నారా లేదా అని తెలుసుకున్నారు. సమయపాలన పాటించని వారిపై చర్యలు తప్పవని హెచ్చరించారు. రికార్డులను తనిఖీ చేసి ప్రజా సమస్యల పరిష్కారానికి కృషి చేయాలన్నారు.