సనా: యెమెన్‌లో ఇజ్రాయెల్ వైమానిక దాడులు(Israeli airstrikes) చేసింది. ఇజ్రాయెల్ విమానాశ్రయంపై హౌతీ తిరుగుబాటుదారులు డ్రోన్ దాడి చేసిన కొద్ది రోజులకే ఇజ్రాయెల్ యెమెన్‌లో మరో రౌండ్ భారీ వైమానిక దాడులు ప్రారంభించింది. ఇజ్రాయెల్ వైమానిక దాడుల్లో ల్లో కనీసం 35 మంది మరణించగా, 130 మందికి పైగా గాయపడ్డారని హౌతీల ఆధీనంలో ఉన్న ఆరోగ్య మంత్రిత్వ శాఖ తెలిపింది. శిథిలాల గుండా రక్షణ బృందాలు గాలింపు చర్యలు చేపడుతున్నాయి. మరణించిన వారిలో ఎక్కువ మంది రాజధాని సనాలో(Yemen capital Sanaa) ఉన్నారని, అక్కడ సైనిక ప్రధాన కార్యాలయం, ఇంధన బంకు దెబ్బతిన్న ప్రదేశాలలో ఉన్నాయని ఆరోగ్య మంత్రిత్వ శాఖ తెలిపింది. ఇజ్రాయెల్ వైమానిక దాడుల్లో ప్రభుత్వం కార్యాలయం ధ్వంసం అయింది. ఇజ్రాయెల్ పై ప్రతిదాడులు చేస్తామని హూతీలు హెచ్చరించారు.