పెద్దపల్లి (విజయక్రాంతి): పెద్దపల్లి జిల్లా(Peddapalli District) జమాతే ఇస్లామీ హింద్ జిల్లా అధ్యక్షునిగా ఎం.ఎ. హెచ్. జావెద్ ను నియమించినట్లు పెద్దపల్లి పట్టణ అధ్యక్షులు ఎంఏ మోహిద్ తెలిపారు. ఈ సందర్భంగా ఆయన మాట్లాడుతూ... నూతనంగా జిల్లా అధ్యక్షునిగా నియామకమైన జావేద్ జమాతే ఇస్లామీ హింద్ కార్యక్రమాలను ప్రజల్లో ముందుకు తీసుకెళ్లి సంస్థ బలోపేతానికి కృషి చేయాలని పిలుపునిచ్చారు. కాగా నూతనంగా ఎన్నికైన జావేద్ మాట్లాడుతూ తనను జిల్లా అధ్యక్షునిగా నియమించడం పట్ల హర్షం వ్యక్తం చేస్తూ, తనపై నమ్మకం ఉంచి జిల్లా అధ్యక్షునిగా నియమించిన జమాతే ఇస్లామి హింద్ పెద్దలందరికీ ధన్యవాదాలు తెలుపుతూ సంస్థ బలోపేతానికి కృషి చేస్తానని తెలిపారు.