మలేషియాలో కామారెడ్డి వాసి మృతి

14 రోజులకు స్వగ్రామానికి మృతదేహం

కాంగ్రెస్ ఎన్నారై సెల్ జిల్లా అధ్యక్షుడి చొరవ

కామారెడ్డి, మే11 (విజయక్రాంతి): బతుకుదెరువు కోసం మలేషియా వెళ్లిన ఓ వ్యక్తి వారం రోజులకే గుండెపోటుతో మృతిచెందాడు. కామారెడ్డి జిల్లా ఎన్నారై సెల్ అధ్యక్షుడు చిట్టెడి సుధాకర్‌రెడ్డి చొరవతో౧౪ రోజుల తర్వాత అతని మృతదేహం స్వగ్రామానికి చేరుకున్నది. కామారెడ్డి మండలం కోటాల్‌పల్లికి చెందిన ఆకుల రమేశ్ (35) గత నెలలో మలేషియాకు వెళ్లాడు. అక్కడికి వెళ్లిన వారంలోనే గుండెపోటుతో మృతిచెందాడు. గ్రామస్థులు విషయాన్ని సుధాకర్‌రెడ్డి దృష్టికి తీసుకెళ్లగా, శనివారం మృతదేహం స్వగ్రామానికి చేరుకున్నది. మృతుడి కుటుంబ సభ్యులను సుధాకర్‌రెడ్డి పరామర్శించి, ప్రభుత్వం తరఫున ఆర్థిక సాయం అందేలా చూస్తానని హామీ ఇచ్చారు.