సెంచరీ చేసి ఔటైన కేఎల్‌ రాహుల్‌.. నిలకడగా ఆడుతున్న భారత్

న్యూ చండీగఢ్‌లో శనివారం ఆఫ్ఘనిస్థాన్‌తో జరిగిన ఏకైక టెస్టు మ్యాచ్ తొలి రోజున, భారత ఓపెనర్ కేఎల్ రాహుల్ సుదీర్ఘ ఫార్మాట్‌లో తన 12వ సెంచరీని సాధించాడు. ఆ కుడిచేతి వాటం బ్యాట్స్‌మెన్ 11 ఫోర్ల సహాయంతో 164 బంతుల్లో తన శతకాన్ని పూర్తి చేసుకున్నాడు. అయితే, ఆ తర్వాతి బంతికే ఫాస్ట్ బౌలర్ జియావుర్ రెహమాన్ బౌలింగ్‌లో డ్రైవ్ షాట్ ఆడుతూ ఎక్స్‌ట్రా-కవర్‌లో క్యాచ్ ఇచ్చి అవుటయ్యాడు.

 ఆసక్తికరమైన విషయం ఏమిటంటే, సరిగ్గా 100 పరుగులు చేయడం అతనికి ఇది మూడవసారి. గతంలో లార్డ్స్‌లో ఇంగ్లాండ్‌పై, గత ఏడాది అహ్మదాబాద్‌లో వెస్టిండీస్‌పై మూడు అంకెల స్కోరును చేరుకున్న వెంటనే అతను అవుట్ అయ్యాడు. చండీగఢ్ టెస్టులో తొలిరోజు భారత్ నిలకడగా ఆడుతుంది.  ప్రస్తుతం భారత్ మూడు వికెట్లు కోల్పోయి, 65.2 ఓవర్లతో 280 పరుగులు చేసింది. శుభ్ మన్ గిల్ (65), రిషబ్ పంత్ (3) పరుగులతో ఆడుతున్నారు.