హైదరాబాద్: మూసీ నదిపై 15 వంతెనల నిర్మాణం నిలిచిపోయిందని, కీలకమైన మౌలిక సదుపాయాల పనులను కాంగ్రెస్ ప్రభుత్వం(Congress government) కుంటుపరుస్తోందని బీఆర్‌ఎస్ వర్కింగ్ ప్రెసిడెంట్ కేటీఆర్(Kalvakuntla Taraka Rama Rao) ఎక్స్ వేదికగా ఆరోపించారు. విషయానికి వస్తే, హైదరాబాద్ నివాసితులకు ట్రాఫిక్ రద్దీని తగ్గించడానికి, కనెక్టివిటీని మెరుగుపరచడానికి, మూసీ నదిపై 150–200 మీటర్ల విస్తీర్ణంలో 15 వంతెనల నిర్మాణానికి బీఆర్ఎస్ ప్రభుత్వం జనవరి 2022లో రూ. 545 కోట్లు మంజూరు చేసిందని కేటీఆర్(KTR) పేర్కొన్నారు.  తాము పనులు ప్రారంభించామని, అవి బాగానే సాగుతున్నాయని చెప్పారు. కానీ 20 నెలల క్రితం కాంగ్రెస్ అధికారంలోకి వచ్చిన తర్వాత, పనులు నత్త వేగంతో సాగుతున్నాయని తెలిపారు. ఒక్క వంతెన కూడా పూర్తి కావడానికి దగ్గరగా లేదన్నారు. రాష్ట్ర పరిపాలనను విమర్శిస్తూ, అసమర్థత,  ఉదాసీనత నిజంగా కాంగ్రెస్ పాలనకు ముఖ్య లక్షణంగా మారాయని, దీనిని నిరాశాజనకమైన పాలనతో నిరాశాజనకమైన ప్రభుత్వం అని కేటీఆర్ అభివర్ణించారు.