1. కేసీఆర్ దీక్ష స్ఫూర్తితోనే పోరాటం
2. మేడిగడ్డను బాంబులు పెట్టి పేల్చే ప్రయత్నం
3. కాళేశ్వరం కాంగ్రెస్ కు శాతం.. తెలంగాణకు వరం
4. కేసీఆర్ పేరు లేకుండా రేవంత్ ప్రసంగం లేదు
5. గోడకున్న తుపాకీ సైలెంట్ గా ఉంటుంది.. పేలితే

హైదరాబాద్: కేసీఆర్ స్ఫూర్తితో పోరాడతామని మాజీ మంత్రి కేటీఆర్(Kalvakuntla Taraka Rama Rao) పేర్కొన్నారు. తెలంగాణకు మొదట్నుంచీ కాంగ్రెస్ విలన్ అన్నారు. కేసీఆర్ ఏడాదిన్నరగా బయటకు రావట్లేదని అంటున్నారు. గోడకు వేలాడదీసిన తుపాకీ కూడా సైలెంట్ గా ఉంటుంది.. కానీ బయటకు వచ్చినప్పుడు ఎలా పేలుతుందో తెలుస్తోందన్నారు. ఇప్పుడున్న సీఎం రేవంత్ రెడ్డి.. కేసీఆర్ పేరు లేకుండా ఒక్క ప్రసంగం చేశారా? అని కేటీఆర్ ప్రశ్నించారు. నాయకుడు ఎప్పటికైనా నాయకుడే.. అర్బకుడు ఎప్పటికైనా అర్బకుడే అన్నారు.

పార్టీ మారిన 10 మంది ఎమ్మెల్యేలు రాజీనామా చేసి వస్తే అసలు సంగతి తెలుస్తోందన్నారు. కాంగ్రెస్ తెలంగాణ తల్లిని అవమానించే ప్రయత్నం చేస్తోందని ఆయన ఆగ్రహం వ్యక్తం చేశారు. తెలంగాణ తల్లిని తీసి కాంగ్రెస్ తల్లిని పెట్టారని ఆరోపించారు. తెలంగాణ తల్లి స్థానంలో రాహుల్ గాంధీ తండ్రిని పెట్టారని కేటీఆర్ ఎద్దేవా చేశారు. కాళేశ్వరం కాంగ్రెస్ కు శాపం కావచ్చు అన్న బీఆర్ఎస్ వర్కింగ్ ప్రెసిడెంట్ తెలంగాణకు మాత్రం వరం అన్నారు. మేడిగడ్డ ఆనకట్టకు బాంబులు పెట్టి పేల్చే ప్రయత్నం జరిగిందని కేటీఆర్ ఆరోపించారు.

తెలంగాణ భవన్‌లో ఘనంగా దీక్షా దివస్ కార్యక్రమం నిర్వహించారు. బీఆర్ఎస్ వర్కింగ్ ప్రెసిడెంట్ దీక్షా దివస్ కార్యక్రమానికి హాజరయ్యారు. కేటీఆర్, బీఆర్ఎస్ సీనియర్ నాయకులు తెలంగాణ తల్లి విగ్రహానికి, జయశంకర్ సార్‌కు పూలమాల వేసి నివాళులు అర్పించారు. దీక్షా దివస్ ప్రాంగణంలో ఏర్పాటు చేసిన తెలంగాణ అమర వీరుల స్థూపానికి పూలమాల వేసి నివాళులు అర్పించారు.