ఎల్లారెడ్డిపేట,నవంబర్ 30 (విజయక్రాంతి): భుజం నొప్పితో బాధపడుతూ ఇటీవల భుజానికి సర్జరీ చేయించుకొనిఎల్లారెడ్డిపేట ఇంట్లో ఉన్న జిల్లా బి ఆర్‌ఎస్ అధ్యక్షులు తోట ఆగయ్య బి ఆర్ ఎస్ పార్టీ వర్కింగ్ ప్రెసిడెంట్ ,సిరిసిల్ల శాసన సబ్యులు,మాజీ మంత్రి కేటీఆర్ పరామర్శించారు.ఆయన ఆరోగ్య పరిస్థితిని అడిగి తెలుసుకున్నారు.ఆగయ్య ఇంట్లో భోజనం చేశాక మండల బిఆర్‌ఎస్ నాయకులను ,కార్యకర్తలతో కేటీఆర్ కలిశారు.

సర్పంచ్ ఎన్నికల బరిలో వున్న బి ఆర్ ఎస్ పార్టీ నాయకులు,కార్యకర్తలలో ఆశావాహులు అధికంగా వున్నారని వారిలో ఎవరిని ఎంపిక చేసుకొని గెలిపించుకోవాలి అన్న విషయం గ్రామాలలో చర్చించుకొని అభ్యర్థిని ఎన్నుకోవాలని కేటీఆర్ పార్టీ శ్రేణులకు సూచించారు. ఎల్లారెడ్డి పేట మండలంలో సర్పంచ్ రిజర్వేషన్ జనరల్ కావడంతో జిల్లా బి ఆర్ ఎస్ పార్టీ నుండి అధికంగా అభ్యర్థులు పోటీ పడుతున్నట్లు తెలుసుకున్న కేటీఆర్ ఒక్కరినే ఎంపిక చేయాలని నిర్ణయించారు.

అట్టి అభ్యర్థి ఎవరన్నది జిల్లాఅధ్యక్షుడు తోట ఆగయ్యకొండూరు రవీందర్ రావులు ఎంపిక చేయాలని కేటీఆర్ సూచించారు. మిగతా గ్రామాల లోని అభ్యర్థుల ఎంపిక తోట ఆగయ్యదే అంతిమ నిర్ణయం అని కేటీఆర్ తెలిపారు.కేటీఆర్ వెంట కొండూరు రవీందర్ రావు,జిందం చక్రపాణి,గూడూరి రవీందర్ తో పాటు జిల్లా ,మండల బిఆర్‌ఎస్ పార్టీ నాయకులు,కార్యకర్తలు పాల్గొన్నారు.