మహబూబాబాద్,(విజయక్రాంతి): సీఐటీయూ మహబూబాబాద్ జిల్లా ఉపాధ్యక్షునిగా కుమ్మరి కుంట్ల నాగన్న ఎన్నికయ్యారు. జిల్లాలోని మరిపెడ పట్టణంలో నిర్వహించిన నాలుగవ జిల్లా మహాసభలో సిఐటియు జిల్లా ఉపాధ్యక్షునిగా కుమ్మరి కుంట్ల నాగన్న ఎన్నికయ్యారు. గత కొన్నేళ్లుగా కార్మికుల సంక్షేమం కోసం శ్రమిస్తూ జిల్లాలోని కార్మికులకు వెన్నుదన్నుగా నిలుస్తున్నాడనే పేరు ఉంది. జిల్లా ఉపాధ్యక్షుడిగా ఎన్నుకున్నందుకు కార్మిక సంఘం సభ్యులకు కృతజ్ఞతలు తెలిపారు. కార్మికుల సంక్షేమం కోసం, హక్కుల సాధన కోసం నిరంతరం పోరాటం చేస్తానని, తన ఎన్నికకు సహకరించిన రాష్ట్ర, జిల్లా నాయకులకు ధన్యవాదాలు తెలిపారు.