మెదక్ గడ్డపై కాంగ్రెస్ జెండా ఎగురేద్దాం

ఎంపీ అభ్యర్థి నీలం మధు

పటాన్‌చెరు, ఏప్రిల్ 19 (విజయక్రాంతి) : మెదక్ పార్లమెంట్ ఎన్నికల్లో కాంగ్రెస్ జెండాను ఎగురేద్దామని ఎంపీ అభ్యర్థి నీలం మధు అన్నారు. శుక్రవారం రామచంద్రాపురం పట్టణానికి చెందిన మాజీ ఎన్‌ఎస్‌యూఐ రాష్ట్ర అధ్యక్షుడు అవినాష్‌గౌడ్‌ను తన నివాసంలో నీలం మధు మర్యాదపూర్వకంగా కలిశారు. జరుగబోయే పార్లమెంట్ ఎన్నికల్లో మెద క్ గడ్డపై కాంగ్రెస్ జెండాను  ఎగురేద్దామని, తనకు మద్దతు కావాలని నీలం మధు అవినాష్‌గౌడ్‌ను కోరారు. ఇందుకు అవినాష్‌గౌడ్ తన సంపూర్ణ మద్దతును ప్రకటించారు. అనంతరం నీలం మధును అవినాష్‌గౌడ్‌ను సన్మానించారు. కార్యక్రమంలో కాంగ్రెస్ పట్టణ నాయకులు ఉన్నారు.