షార్ట్ సర్క్యూట్ తో మొక్కజొన్న పంట దగ్ధం

అలంపూర్: ఈదురు గాలుల బీభత్సానికి విద్యుత్ షాట్ సర్క్యూట్ తో మంటలు చెలరేగి  మొక్కజొన్న పంట అగ్నికి కాలీ బూడిదయ్యింది. ఈ ఘటన గద్వాల జిల్లా వడ్డేపల్లి మండలం జూలేకల్ గ్రామ శివారులో మంగళవారం రాత్రి చోటు చేసుకుంది.ఉన్నట్టుండి అకస్మాత్తుగా రాత్రి  బలమైన ఈదురు గాలుల బీభత్సం సృష్టించాయి.దీంతో విద్యుత్ షార్ట్ సర్క్యూట్ జరిగి మొక్కజొన్న పంట పూర్తిగా దగ్ధమైంది. బలంగా వీచిన గాలులకు మంటలు ఎగసిపడి  ఒక పొలం నుంచి ఇంకొక పొలానికి మంటలు చెలరేగాయి.సుమారు 30 ఎకరాల మొక్కజొన్న పంట కాలీ పోయినట్లు సమచారం.మంటలను అదుపు చేసేందుకు ఫైర్ సిబ్బంది తీవ్రంగా శ్రమిస్తున్నారు. చేతి కందిన పంట కాలీ బూడిద కావడంతో రైతులు కన్నీరు మున్నీయ్యారు.