మేడిపల్లి (విజయక్రాంతి): వాకింగ్ కోసం బయటికి వెళ్లిన వ్యక్తి అదృశ్యమైన ఘటన మేడిపల్లి పోలీస్ స్టేషన్(Medipally Police Station) పరిధిలో చోటుచేసుకుంది. పోలీసులు తెలిపిన వివరాల ప్రకారం... బోడుప్పల్ మున్సిపల్ పరిధి ఆర్ఎంఎస్ కాలనీకి చెందిన కృష్ణయ్య తన తల్లిదండ్రులతో కొంతకాలం నుండి నివాసం ఉంటున్నాడు. తన తండ్రి జంగయ్య(70) బుధవారం ఉదయం వాకింగ్ కోసం బయటికి వెళ్లి మళ్ళీ తిరిగి ఇంటికి రాలేదు. చుట్టుపక్కల వెతికిన సమాచారం తెలియకపోవడంతో కృష్ణయ్య మేడిపల్లి పోలీస్ స్టేషన్ లో ఫిర్యాదు చేయడం జరిగింది. కేసు నమోదు చేసుకున్న పోలీసులు దర్యాప్తు చేస్తున్నామని అన్నారు. ఇట్టి వ్యక్తి కనిపిస్తే మేడిపల్లి పోలీస్ వారికి సమాచారం ఇవ్వగలరని సీఐ గోవిందరెడ్డి తెలిపారు.